Friday, December 4, 2020
Home सियासत Congress: धान खरीदी म भाजपा नेता मन ह सरलघा लेवत हे झूठ...

Congress: धान खरीदी म भाजपा नेता मन ह सरलघा लेवत हे झूठ के सहारा : शैलेश

जय जोहार…. प्रदेश कांग्रेस (Congress) संचार विभाग के प्रमुख शैलेश नितिन त्रिवेदी ह कहिन कि धान खरीदी म भाजपा के नेता मन ह सरलघा झूठ के सहारा लेवत हे। किसान मन के हित म ठोक काम करइया कांग्रेस सरकार के खिलाफ भाजपा अभी ले झूठा प्रचार करे ल लगे हे।

2018 विधानसभा चुनाव म हारे के बाद भाजपा नेता मन के सबो याददाश्त चले गे हे का? प्रदेश कांग्रेस (Congress) संचार विभाग के प्रमुख शैलेश नितिन त्रिवेदी ह कहिन कि कांग्रेस सरकार ह किसान अऊ धान के सम्मान करे हे। सीएम भूपेश बघेल के सरकार ह धान के दाम 2500 रुपया दे हे।

पहिले साल 80 लाख टन ले जादा अऊ दूसर साल 83 लाख टन धान के खरीदी करे हे। भाजपा के 15 साल के सरकार म त 15 लाख ले घलो कम किसान मन ले औसत 50 लाख टन धान प्रतिवर्ष खरीदे गिस।

प्रदेश कांग्रेस संचार विभाग के प्रमुख शैलेश नितिन त्रिवेदी ह कहिन कि सीएम भूपेश बघेल के सरकार ह पहिले साल 2018-19 म 15 लाख 71 हजार किसान मन ले 80 लाख टन ले जादा धान खरीदे हे अऊ दूसर साल 2019-20 म 19 लाख 52 हजार किसान मन ले 83 लाख टन ले जादा धान खरीदे गिस।

(Congress) ए साल 21 लाख 50 हजार ले जादा किसान मन के पंजीयन हो चुके हे। कांग्रेस सरकार ह किसान मन के कर्जा ल माफ करे हे, जेखर सोच भाजपा के पास नई रिहिन।

प्रदेश कांग्रेस संचार विभाग के प्रमुख शैलेश नितिन त्रिवेदी ह कहिन कि धान के बर्बादी म घड़ियाली आंसू बहाय वाला धरमलाल कौशिक ह जवाब दे कि छत्तीसगढ़ म 15 साल सरकार चलाय के दौरान भाजपा सरकार ह धान ल सुरक्षित भंडारण बर कतना गोडाउन के निर्माण करवाये रिहिन।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments