जय जोहार । भाजपा (BJP) राष्ट्रीय अध्यक्ष जगत प्रकाश नड्डा 9 सितंबर के बिहनिया 10:30 बजे स्वामी विवेकानंद विमानतल रायपुर पहुंचही । विमानतल ले स्वागत बाद युवा मोर्चा के बाइक रैली के संग 11 बजे तेलीबांधा दीनदयाल उपाध्याय चौक पहुंचके माल्यार्पण करही ।
एखर बाद भाजपा (BJP) राष्ट्रीय अध्यक्ष जगत प्रकाश नड्डा ह रोड शो करत हुये मंझनिया 12:45 बजे भाजपा कार्यालय एकात्म परिसर पहुंचही । ए दउरान राष्ट्रीय अध्यक्ष के भगत सिंह चौक, साक्षरता तिराहा, अंबेडकर चौक, शास्त्री चौक समेत आने आने स्थान म अलग अलग विधानसभा के कार्यकर्ता, मोर्चा प्रकोष्ठ के सदस्य,आम नागरिक अउ सामाजिक संगठन डहार ले अभिनंदन करे जाही।
भाजपा (BJP) राष्ट्रीय अध्यक्ष जगत प्रकाश नड्डा ह मंझनिया 1 बजे साइंस कॉलेज मैदान म बूथ अध्यक्ष, मंडल ,जिला अउ प्रदेस पदाधिकारी मन ले संवाद करही । एखर बाद भाजपा राष्ट्रीय अध्यक्ष जगत प्रसाद नड्डा ह भाजपा कार्यालय कुशाभाऊ ठाकरे परिसर पहुंचके पदाधिकारी मन के बइठक लेही।
