Home सियासत युवा मन के नाम पर घड़ियाली आंसू बहाय ल बन्द करे भाजपा...

युवा मन के नाम पर घड़ियाली आंसू बहाय ल बन्द करे भाजपा : आरपी सिंह

20
0

जय जोहार…. प्रदेश कांग्रेस के वरिष्ठ प्रवक्ता आरपी सिंह ह कहिन कि भाजपा ह युवा मन के नाम म घड़ियाली आंसू ल बहाय अउ राजनीतिक रोटी ल सेकना बन्द करे।

राज्य के युवा मन ह ए बात ल नई भुले हे कि जब रमन सिंह सरकार रिहिस, त बेरोजगार अउ हताशा के का आलम रिहिस।

सेन्टर फॉर मानिटरिंग इण्डियन इकानॉमी के रिपोट ह कहत हे कि सितम्बर 2018 म जब रमन सिंह के सरकार रिहिस, तब बेरोजगारी के दर ह 22.2 प्रतिशत रिहिस।

ताजा रिपोर्ट ह अप्रैल 2020 म आय हे, ओखर अनुसार छत्तीसगढ़ म बेरोजगारी के दर ह वर्तमान म घट के 3.4 प्रतिशत रह गे हे।
भाजपा ल ये घलो नई भुलना चाही कि रमन सिंह के कार्यकाल म लगभग 22 लाख पंजीकृत शिक्षित बेरोजगार अउ लगभग इतना अपंजीकृत बेरोजगार रिहिस।
तब युवा मन के प्रति वो प्रेम ह कहां छुपे रिहिस, जेन अब हरदेव सिन्हा के आत्मदाह के प्रयास के बाद उमड़ के सामने आय हे।
कांग्रेस प्रवक्ता आरपी सिंह ह भाजपा म आरोप लगात हुये कहिन कि आत्मदाह करइया बच्चूलाल, योगेश साहू अउ आत्मदाह के प्रयास करइया आन आठ लोगन मन के परिजन मन ल तत्कालीन सरकार के तरफ ले कोनो घलो मदद नई दे गिस।
दिव्यांग स्वर्गीय योगेश साहू ह अपन बहन के शादी, गरीबी अउ बेरोजगारी ने व्यथित हो के रमन सिंह ल तीन आवेदन दे रिहिस।
लेकिन जब कोनो कार्यवाही नई होइस अउ कोनो मदद नई मिलिस, तब निराश हो के योगेश साहू ह तत्कालीन मुख्यमंत्री रमन सिंह के निवास के सामने आत्मदाह कर ले रिहिस।
ए घटना के बाद डॉ. रमन सिंह के शर्मनाक बयान ह घलो आय रिहिस, जेमा वो हा केहे रिहिस कि अइसे घटना त होवत रहत हे।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.