Chhattisgarh: भाजपा ह काली 90 विधानसभा क्षेत्र म करही धरना अऊ प्रदर्शन, पढो पूरा खबर

जय जोहार…. (Chhattisgarh) छत्तीसगढ़ भाजपा ह खरीफ सीजन 2020-21 के धान खरीदी म अव्यवस्था के खिलाफ काली राज्य के सबो 90 विधानसभा क्षेत्र म एक दिन के धरना अऊ प्रदर्शन करही।

एखर तहत प्रदेश अध्यक्ष विष्णुदेव साय ह रायगढ़, नेता प्रतिपक्ष धरमलाल कौशिक ह बिल्हा अऊ पूर्व मुख्यमंत्री डॉ रमन सिंह ह राजनांदगांव म शामिल होही।

(Chhattisgarh) भाजपा ह विधानसभा वार धरना अऊ प्रदर्शन बर सबो सांसद, विधायक, पूर्व विधायक, विधायक प्रत्याशी मन के आलावा भाजपा के पदाधिकारी अऊ कार्यकर्ता ल शामिल होय के आग्रह करे हे।

(Chhattisgarh) ए कड़ी म रायपुर चारो विधानसभा क्षेत्र म अलग-अलग स्थान म धरना अऊ प्रदर्शन के आयोजन करे जात हे। धरना अऊ प्रदर्शन ल लेके रविवार के शहर जिला भाजपा के बइठक होय हे। जेमा मंडलवार नेता मन ल तैनात करे गे हे।