Sunday, June 13, 2021
Home सियासत Chhattisgarh: प्रदेश सरकार के खिलाफ भाजपा ह काली देही धरना, पढ़व

Chhattisgarh: प्रदेश सरकार के खिलाफ भाजपा ह काली देही धरना, पढ़व

जय जोहार…. भारतीय जनता पार्टी छत्तीसगढ़ (Chhattisgarh) के कार्यकर्ता मन ह प्रदेश भर म सनिच्चर के कोरोना के खिलाफ लड़ाई म पूरा विफल प्रदेश सरकार के खिलाफ धरना प्रदर्शन करही। भाजपा प्रदेश अध्यक्ष विष्णुदेव साय ह कहिन कि प्रदेश म कोरोना ह सरलघा बाढ़त हे। जनसंख्या के दृष्टि ले संक्रमण के मामला म छ्त्तीसगढ़ ह पहला स्थान म आ गे हे। कोरोना के खिलाफ लड़ाई म सुरु ले लापरवाह छत्तीसगढ़ सरकार ह अब घलो व्यवस्था सुधारे, स्वास्थ्य सुविधा ल बेहतर अउ रेमडेसिविर इंजेक्शन उपलब्ध करवाए बर ठोस कदम उठात नई दिखत हे।


भाजपा प्रदेश (Chhattisgarh) मीडिया प्रभारी नलिनीश ठोकने ह बताईस कि भारतीय जनता पार्टी के प्रदेशव्यापी धरना प्रदर्शन म सनिच्चर दोपहर 2 बजे ले भाजपा राष्ट्रीय उपाध्यक्ष अउ पूर्व मुख्यमंत्री डॉ. रमन सिंह के निवास म पूर्व मुख्यमंत्री डॉ. रमन सिंह, राज्यसभा सांसद रामविचार नेताम अउ पूर्व मंत्री राजेश मूणत धरना म बइठही।


भाजपा प्रदेश (Chhattisgarh) अध्यक्ष विष्णुदेव साय ह अपन निवास बगीचा, जशपुर म धरना म बइठही। उहचे पूर्व मंत्री अजय चंद्राकर रायपुर निवास म, पूर्व विधानसभा अध्यक्ष गौरीशंकर अग्रवाल ह अपन शैलेन्द्र नगर के निवास म अउ पूर्व मंत्री बृजमोहन अग्रवाल ह अपन निवास म धरना देही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments