जय जोहार…. छत्तीसगढ़ म तेजी ले कोरोना ह लोगन मन ल अपन चपेट म लेवत हे। दुर्ग जिला के भिलाई म पदस्थ एक बीएसएफ के जवान घलो कोरोना संक्रमित पाय गे हे। जवान ल जिला म शंकराचार्य मेडिकल कालेज म बनाये गे कोविड अस्पताल म भर्ती कराय जात हे।
बतावत जात हे कि संक्रमित जवान ह उत्तरप्रदेश के अलीगढ़ के रहवइया हे। छुट्टी म वो अपन घर गे रहिस। एक जून के वो दिल्ली के फ्लाइट ले पहुंचिस। दू जून के ओखर सैम्पल ले गे रहिस। ओला सेक्टर-तीन स्थित क्वारेंटाइन सेन्टर म क्वारेंटाइन करे के बाद सैम्पल ल जांच बर भेजे गे रहिस। जेखर जांच रिपोर्ट म कोरोना पाजिटिव पाय गे हे।
बता देन कि प्रदेश म अब कुल कोरोना संक्रमित मरीज मन के संख्या ह 837 हो गे हे। जेमा ले सक्रिय मरीज मन के संख्या ह 629 हे। ऊहचे 206 लोगन मन ह स्वस्थ होके अपन घर लहुट चुके हे।
No Comment! Be the first one.