Home सियासत केन्द्र सरकार ह छत्तीसगढ़ के संग सौतेला व्यवहार ल बन्द करे: शैलेश...

केन्द्र सरकार ह छत्तीसगढ़ के संग सौतेला व्यवहार ल बन्द करे: शैलेश नितिन त्रिवेदी

233
0

जय जोहार…. कांग्रेस संचार विभाग के अध्यक्ष शैलेश नितिन त्रिवेदी ह कहिन कि विधानसभा चुनाव म भाजपा के हार के बदला ल मोदी सरकार ह छ्त्तीसगढ़ के जनता अऊ मजदूर मन ले लेवत हे।

भाजपा के रमन सिंह जइसे नेता अउ सांसद ह मजदूर विरोधी, गरीब विरोधी, किसान विरोधी अउ आम जनता विरोधी म संलिप्त हे।

छत्तीसगढ़ के जनता ह कभी ओ मन ल माफ नई करही। वो हा कहिन कि ये दुख के विषय हे कि केन्द्र सरकार ह राज्य-राज्य के हिसाब ले मजदूर मन के संग भेदभाव करत हे।

लॉकडाउन अउ लॉकडाउन म कुप्रबंधन बर जिम्मेदार मोदी सरकार ल मानवता के नाते घलो छत्तीसगढ़ के ए पांच लाख ले अधिक प्रवासी मजदूर मन के प्रति ए मजदूर मन के मदद करना चाही रिहिस।

छत्तीसगढ़ के प्रवासी मजदूर मन के मदद ह मोदी सरकार के फर्ज रिहिस अउ हे। 1200 करोड़ रूपिया ले जियादा के मजदूर मन के सिरिफ रोजी के राशि ह केंद्र सरकार म मजदूर मन के कर्ज हे।

ए मजदूर मन के प्रति अपन फर्ज निभाय अउ अपन म कर्ज चुकाय के बजाय मजदूर कल्याण योजना ले मोदी सरकार ह छत्तीसगढ़ ल बाहर कर दे हे।

गरीब कल्याण योजना म छ्त्तीसगढ़ ल शामिल करे के मांग करत हुये वो हा छत्तीसगढ़ के सब्बो प्रवासी मजदूर मन ल डायरेक्ट बेनिफिट योजना के अंतर्गत प्रवासी मजदूर 25000 के राशि ल तत्काल दे जाये।

केन्द्र सरकार ह छत्तीसगढ़ के संग सौतेला व्यवहार बन्द करे। छत्तीसगढ़ के ए गरीब मजदूर म ह मोदी सरकार के का बिगाड़े हे।

विधानसभा चुनाव म भाजपा के करारी हार ह रमन सिंह सरकार के जनविरोधी नीति के हार रिहिस।

विधानसभा चुनाव के हार के बदला ल छ्त्तीसगढ़ के मजदूर मन ले ले जाय के कांग्रेस पार्टी ह विरोध करत हे अऊ गरीब कल्याण योजना म छ्त्तीसगढ़ ल शामिल करे जाय के मांग करत हे।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.