जय जोहार…. (Chhattisgarh) चैंबर ऑफ कामर्स के कार्यकारिणी के बइठक ह 18 अक्टूबर के होवइया हे। ए बइठक म चुनाव के ऐलान के संग चुनाव अधिकारी घलो तय कर दे जाही। चैंबर अध्यक्ष जितेंद्र बरलोटा ह कहिन कि ओखर कार्यकाल ह 19 दिसंबर के खत्म होवत हे। एखर बाद 19 जुलाई ले पहिले चुनाव करा ले जाही।
बता दन कि (Chhattisgarh) एक तरफ जिहां वर्तमान अध्यक्ष जितेंद्र बरलोट ह अवइया चुनाव नई लड़े के ऐलान कर दे हे। उहचे एक पूर्व अध्यक्ष अऊ कैट के राष्ट्रीय अध्यक्ष अमर परवानी ह अभी ले अध्यक्ष के चुनाव लड़े बर ताल ठोक दे हे। व्यापारी एकता पैनल के अध्यक्ष श्रीचंद सुंदरानी ह घलो साफ कर दे हे कि दमदार प्रत्याशी खड़ा करे जाही।
चैंबर अध्यक्ष जितेंद्र बरलोटा ह बताइस कि ओखर कार्यकारिणी के कार्यकाल म करीब तीन हजार नवा सदस्य बने हे। पहिले 14 हजार सदस्य रिहिन, जेन अब 17 हजार के करीब हो गे हे। (Chhattisgarh) वो हा बताइस कि अंतिम कार्यकारिणी के बइठक म जेन घलो नवा सदस्य बनही। ओ मन ल मतदान के अधिकार नई होही। अगर चुनाव तीन महिना के अंदर हो त। चुनाव ले छह महिला पहिले जेन घलो सदस्य बने हे, ओ मन ल मतदान के अधिकार रही।
No Comment! Be the first one.