Thursday, October 1, 2020
Home छॉलीवुड समाचार Chhallywood : कुरुद नगर के कलाकार श्यामशंकर के नवा एलबम लोगन मन...

Chhallywood : कुरुद नगर के कलाकार श्यामशंकर के नवा एलबम लोगन मन के जीतत हे दिल

जय जोहार…. (Chhallywood) कुरुद नगर के कलाकार श्यामशंकर चंद्राकर के नवा छत्तीसगढ़ी एलबम ह पिछिले दिनो प्रदर्शित होइस। जय जोहार मीडिया के बैनर तले बने ए एल्बम म एक बार फेर अभिनेता श्यामशंकर चंद्राकर ह अपन अभिनय अऊ चुलबुले रंगरूप ले सब मन ल मनमोहित कर दे हे।

ए बार वो हा नवा अभिनेत्री अंजली ठाकुर के संग नजर आए हे। ए गीत ल गाए हरे छत्तीसगढ़ के जाने-माने गायक सुनील सोनी अऊ चंपा निषाद। ए गाना म संगीत दे हे संगीत कार सुनील सोनी अऊ गीतकार चम्पेश्वर गोस्वामी हे।


(Chhallywood) नृत्य परिकल्पना नितेश लहरी अऊ छायांकन अरविंद सोनवानी के हे। उहचे गीत निर्देशन अऊ सम्पादन ओमप्रकाश चंद्राकर अऊ एलबम के निर्माण अनुपमा चंद्राकर जय जोहार मीडिया के तरफ ले करे गे हे।


इसके अलावा गीत निर्माण मनोज साहू,स्वर सिंगार लोककला मंच, वेषभूषा आकाश देवांगन बाजार रत्नाबाँधा रोड़ धमतरी, स्थल सहयोग सलमान गोस्वामी, लोमस गोस्वामी, विशेष आभार प्रकाश गिरी गोस्वामी अऊ सबो ग्राम वासी तरीघाट पाटन के रहिस।


चर्चा करत हुए (Chhallywood) श्याम शंकर चंद्राकर ह कहिन कि कुरुद नगर म प्रतिभा के कमी नई हे। बस ओ मन ल सही मंच अऊ सहयोग के जरूरत हे। अइसने हमर मन के ग्रामीण अंचल म घलो कलाकार मन ल संवारने अऊ आगू बढ़ाय बर शासन-प्रशासन ल ठोस कदम उठाय ल चाही।


मोर पहिले अऊ दूसरईया एल्बम म जेन प्यार अऊ सम्मान दर्शक मन के मिले हे। ओखर बर सबो के शुक्रिया अदा करत हों। संगेसंग सबो ले मोर इही संदेस हे कि मोर ए नवा एलबम अंगरेजी म लव ल जरूर देखव।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments