जय जोहार…. (chhattisgarh) सीएम भूपेश बघेल ह आज रायपुर के अपन निवास कार्यालय म आयोजित वर्चुअल कार्यक्रम म रायगढ़ अउ जशपुर जिला ल विकास कार्य के सौगात दीन हे। ए दौरान सीएम बघेल ह दुनो जिला म विकास कार्य के वर्चुअल भूमिपूजन अउ लोकार्पण करे हे। सीएम बघेल ह रायगढ़ जिला म 308 करोड़ 31 लाख रुपया के लागत के कार्य के लोकार्पण अउ भूमिपूजन करिन।
सीएम बघेल ह वर्चुअल कार्यक्रम म (chhattisgarh) जशपुर जिला म 283 करोड़ 70 लाख रुपया के 585 निर्माण अउ विकास कार्य के लोकार्पण अउ भूमिपूजन करे हे । एमा 81.95 करोड़ रुपया के लागत के 377 कार्य के लोकार्पण अउ 201.75 करोड़ के 208 कार्य के भूमिपूजन सामिल हे।
ए अवसर म (chhattisgarh) गृहमंत्री ताम्रध्वज साहू, कृषि मंत्री रवींद्र चौबे, स्कूल शिक्षा मंत्री डॉ. प्रेमसाय सिंह टेकाम, खाद्य मंत्री अमरजीत भगत, लोक स्वास्थ्य यांत्रिकी मंत्री गुरु रुद्र कुमार, मुख्यमंत्री के अपर मुख्य सचिव श्री सुब्रत साहू उपस्थित रिहिन। रायगढ़ ले उच्च शिक्षा मंत्री उमेश पटेल कार्यक्रम म जुड़े रिहिन ।
No Comment! Be the first one.