रायपुर। राजधानी के एक निजी होटल म कांग्रेस समन्वय समिति के बइठक होइस। छत्तीसगढ़ कांग्रेस प्रभारी पी.एल. पुनिया, पीसीसी चीफ भूपेश बघेल समेत जम्मो सदस्य शामिल होइन। बइठक म ले गए फैसला के बात करे त प्रत्याशी चयन ल लेके कांग्रेस ह अपन रणनीति बदले हे। एकर बर पार्टी ह नवा दिसा-निर्देस बनाइस हे। ये दरि चुनई म पार्टी प्रत्यासी मन ले बायोडाटा नइ मंगाए बल्कि ब्लॉक स्तर ले लेके जिला अऊ फेर प्रदेश स्तर तक जेन मन के नाव आही ओ मन ल उफर बिचार करे जाही। एकर अलावा पार्टी ह आए वाला 4 महीना बर कार्यक्रम घलो तइयार करिस। संग ही कांग्रेस के बइठक म चुनई मुद्दा ल लेके नारा अऊ वॉल राइटिंग तक के बिसय म चर्चा करे गिस।
