Home हमर खबर बढ़त जल संकट अऊ उद्योग मन ल जादा पानी दे के मामला...

बढ़त जल संकट अऊ उद्योग मन ल जादा पानी दे के मामला म दू हफ्ता बाद होही सुनवाई

121
0
Chhattisgarh High Court

बिलासपुर. राज्य म सरलगहा गहरावत जल संकट के संगे-संग पीए के खराब स्तर, जल बचाव के दिशा म कोनों उचित प्रयास नई करे के अऊ उद्योग मन ल पानी के जादा सप्लाई सहित कई मुद्दा ल लेके हाईकोर्ट म जनहित याचिका लगाए गे हे। पाछू के सुनवाई म हाईकोर्ट ह राज्य शासन ल स्टेटस रिपोर्ट प्रस्तुत करे बर कहे रिहिन।

मंगलवार के दिन याचिकाकर्ता ह उपस्थित नई हो पाईन एखर सती सुनवाई ल दू सप्ताह बर बढ़ा दे गे हे। अंबिकापुर के रहवईया आरएन गुप्ता ह पेशा ले जल विशेषज्ञ हरे अऊ उही मन ह हाईकोर्ट म जनहित याचिका प्रस्तुत कर ए मामला ल उठाए रिहिन। ओमन अपन याचिका म कहे रिहिन कि प्रदेश म लगातार जल संकट बढ़त हे। उद्योग मन ल जादा पानी दे के कारण पीए के पानी के कमीं होवत हे। उहें जल संचय के दिशा म कोनों सार्थक परयास नई करे गे हे सहित कई ठन मुद्दा उठाए रिहिन।

ए याचिका के प्रारंभिक सुनवाई के बाद हाईकोर्ट ह याचिका करईया के डाहर ले उठाए गे समस्या बर राज्य शासन ल अपन पक्ष रखे बर कहे रहिन। उहें राज्य सरकार कोती ले महाधिवक्ता सतीशचंद्र वर्मा ह याचिका म प्रस्तुत तथ्य ल वेरीफाई करे बर समय के मांग करे रिहिन। मंगलवार के दिन सुनवाई के बेरा म याचिकाकर्ता उपस्थित नई हो सकिस एखर सती सुनवाई ल दू हफ्ता बर बढ़ा दे गे हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.