जय जोहार। (chhattisgarh) मुख्यमंत्री सुपोसण अभियान समग्र सुपोसण के दिसा म मुख्यमंत्री भूपेश बघेल के नेतृत्व म छत्तीसगढ़ सरकार के एक ठीन महत्वपूर्ण अभियान हे । मुख्यमंत्री बघेल के संकल्प हे कि जब तक प्रदेस म कुपोसण ले प्रभावित लईका मन सुपोसित नई हो जात, तब तक ये अभियान ह जारी रही । मुख्यमंत्री सुपोसण अभियान अपन लक्ष्य के डहार तेजी ले अग्रसर हे अउ बस्तर संभाग के दूरस्थ क्षेत्र म लईका अउ महिला मन ल ए अभियान के लाभ मिलत हे ।
(chhattisgarh) मुख्यमंत्री भूपेश बघेल के नेतृत्व म कुपोसण मुक्ति बर सुरु करेगे मुख्यमंत्री सुपोसण अभियान के सकारात्मक परिणाम सामने आइन हे । बीते तीन बछर म प्रदेस के लगभग 2 लाख 11 हजार लईका मन कुपोसण के चक्र ले बाहर आ गेहे । जबकि बछर 2019 म ए अभियान के सुरु होत बेरा कुपोसित लईका मन के संख्या 4 लाख 33 हजार रिहीन । अइसने कुपोसित लईका मन के संख्या म 48 फीसद के कमी एक ठीन उल्लेखनीय उपलब्धि हे ।
एखर संग योजना के तहत नियमित गरम भोजन अउ पौष्टिक आहार मिले ले प्रदेस के लगभग 85 हजार महिला मन घलो एनीमिया मुक्त हो चुके हे । (chhattisgarh) मुख्यमंत्री सुपोषण अभियान के अंतर्गत दंतेवाड़ा ल एनीमिया मुक्त बनाय बर कार्यक्रम चलाये जावत हे । ए कार्यक्रम के तहत स्कूल, आश्रम परिसर म किसोरी बालिका, गर्भवती महिला मन के की जांच करे जात हे अउ ओखर उपचार करे जात हे ।
Other Articles
Raipur : मुख्यमंत्री ह करीन मिसाइल-मैन डॉ. कलाम के जयंती म याद, पढ़व
Raipur : हाउसिंग बोर्ड परियोजना बर जल्दीच होही जमीन के आबंटन
