Saturday, October 23, 2021
Home छॉलीवुड समाचार Raipur: छत्तीसगढ़ी फिलिम लव लेटर के पोस्टर के होइस हे विमोचन, जून...

Raipur: छत्तीसगढ़ी फिलिम लव लेटर के पोस्टर के होइस हे विमोचन, जून महीना म होही ए फिलिम ह सिनेमाघर म प्रदर्शित

जय जोहार…. (Raipur) छत्तीसगढ़ी फिलिम लव लेटर के पोस्टर के विमोचन करे गे हे। ए विमोचन ल मंत्री गुरु रुद्र कुमार, कांग्रेस नेता आलोक पांडेय अऊ राजेश सिंह ठाकुर के आतिथ्य म करे गे हे। ए फिलिम के निर्माता अमित जैन अऊ तरुण सोनी हे। फिलिम के निर्देशक उत्तम तिवारी हे। ए फिलिम म हीरो मन कुरैशी अऊ सृष्टि तिवारी ह हीरोइन के किरदार म नजर आही।


(Raipur) फिलिम के प्रोड्यूसर तरुण सोनी ह बताइस कि प्रेम कहानी म आधारि फिलिम लव लेटर म आज के आधुनिक तकनीक के प्रयोग करे के संग ही कई दिग्गज कलाकार ल ले गे हे। ए फिलिम म हेमलाल कौशल, धर्मेंद्र चौबे, उपाषना वैष्णव, पुष्पेंद्र सिंह, विनय अम्बष्ठ, धर्मेंद्र अहिरवार, शीतल शर्मा, सरला सेन, ललित उपाध्याय, विक्रम राज, वर्षा सारथी ह अभिनय करत नजर आही।

ए फिलिम के शूटिंग ल छत्तीसगढ़ के अलग-अलग स्थान म करे गे हे। ये एक लव स्टोरी, पारिवारिक ड्रामा फिलिम हे। जेला दर्शक ह अपन परिवार के संग बइठ के आनंद उठा सकत हे। (Raipur) ये फिलिम ह जून महीना के पहला सप्ताह म सिनेमा घर म प्रदर्शित हाही। ए अवसर म संतोष जैन, अमित जैन, तरुण सोनी, उत्तम तिवारी, विकास सोनी (मोनू) अऊ फिलिम के टीम उपस्थित रिहिन।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments