बिलासपुर. जिला के बेटी के दुबई म संदिग्ध हालत होए मउत ले हड़कंप मच गे हे। जम्मो मामला म परिजन मन ऐ मउत बर संदेह जतात इंसाफ के गोहार लगात हे। एखर बर विदेश मंत्रालय अउ बिलासपुर पुलिस परिजन गोहार लगाए हे। परिजन के शिकायत म रिपोर्ट के आधार म मामला के जांच शुरू कर दे गे हे। नवपदस्थ बिलासपुर एसपी प्रशांत अग्रवाल के कहिना हे कि मउत देश ले बाहर होय हे, एखर सती मामला के जांच बर विदेश मंत्रालय के मदद घलोक ले जाही।
बता देन कि गुरुघासीदास विवि ले एमबीए म गोलमेडलिस्ट प्रीति चड्डा के सन्दिग्ध मौत आबूधाबी म ओखर निवास स्थान म 23 जून रविवार को हो गे रिहिस। वो ह दुबई के मल्टीनेशनल फर्म म एचआर विभाग म प्रमुख पद म काम करत रिहिस। तीन साल पहली प्रीति के बिहाव पायलट सिन्धु घोष संग होय रिहिस। परिजन मन के अनुसार एक साल ले ओखर आदमी संग रही-रही के विवाद होत रिहिस। जेखर जानकारी वो ह बिलासपुर म अपन मां अऊ पिताजी ल दे रिहिस। वो ह अपन शरीर म चोट के निशान घलोक देखाये रिहिस। ओखर बाद दुबई जाके फेर नौकरी करे ल लगीस।
फेर पति सिंधु घोष ह फेर वईसने करे ल लगिस। एखर बाद प्रीति आबूधाबी के होटल म भाड़ा म रेहे ल लग गे। ईद म छूट्टी मिलिस त वो ह बिलासपुर आईस अउ अपन घर म पति ले चलत तनाव के बारे म घर म बताईस। रविवार के वो ह होटल ले कपड़ा ले बर अबुधाबी गिस अउ ओखर सन्दिग्ध मौत हो गे रिहिस। मौत के सूचना सिंधु ह बिलासपुर म फोन कर के प्रीति के रिश्तेदार मन ल दिस। प्रीति के शव अभी पोस्टमार्टम के बाद इंडिया नई पहुंचे हे।
वकील ह प्रीति के परिजन मन ल केहे है कि सीआरपीसी 188 के तहत वो मन ल अधिकार हे कि ये प्रकरण के रिपोर्ट बिलासपुर पुलिस में दर्ज करा सकथ हे। इही दर्ज रिपोर्ट म केंद्र सरकार ले अनुमति म आरोपी के खिलाफ जुर्म दर्ज करके आघु कार्रवाई करे जा सकत हे। प्रीति के शव शाम तक बिलासपुर पहुंच सकत हे। जिहाँ ओखर विधिवत अंतिम संस्कार करे जाही। प्रीति के पार्थिव शरीर ल बिलासपुर लाए अउ इहां प्रकरण दर्ज कराये के दिशा म कार्य शुरू हो चुके हे।
No Comment! Be the first one.