जय जोहार। (CG) मुख्यमंत्री भूपेश बघेल ह जशपुर जिला म फरसबहार विकासखण्ड म भेंट-मुलाकात कार्यक्रम के शुरूआत पमशाला म ईब नदी के तट पर स्थित कंवर समाज के मंदिर राधा कृष्ण मंदिर म पूजा-अर्चना के संग करीन। मुख्यमंत्री ह ईब नदी के तट म आयोजित भेंट-मुलाकात कार्यक्रम म ग्राम कोल्हेजहारिया म प्री एवं पोस्ट मैट्रिक छात्रावास अउ पुलिस चौकी के स्थापना, तपकरा म नायब तहसीलदार कोर्ट के घोसना करीन ।
वो हा फरसाबहार के हाथी प्रभावित क्षेत्र म हाई मास्ट लाइट लगाय के घलो निर्देश दीन । (CG) वो हा तपकरा म स्वामी आत्मानंद स्कूल खोले, फरसाबहार म सहकारी बैंक प्रारंभ करे, पमशाला के हाई स्कूल ल हायर सेकेंडरी म उन्नयन, फरसाबहार म 67 ठीन स्थान म देवगुड़ी के सौंदर्यीकरण बर दो करोड़ के स्वीकृति के घोसना करीन ।
(CG) मुख्यमंत्री ह पमशाला म छत्तीसगढ़ महतारी के पूजा-अर्चना कर भेंट-मुलाकात कार्यक्रम म किसान अउ ग्रामीण मन ले शासकीय योजना के मैदानी स्थिति के जानकारी लीन । मुख्यमंत्री ह ग्रामीण मन ले हाट बाजार क्लिनिक योजना के लाभ उठाय के अपील करीन। वो हा किहीन कि सरकार डहार ले लघुवनोपज के खरीदी अउ वेल्यू एडिशन ल प्रोत्साहन दे जात हे। एखर लाभ घलो वनवासी मन ल मिलत हे। कार्यक्रम म सितरेंगा के रजनी कुजूर ह बताइन कि वो हा राशन कार्ड बर आवेदन करे हे । मुख्यमंत्री ह जल्द ही राशनकार्ड बनाय के निर्देश अधिकारी मन ल दीन । साजबहार के दीपक ह वन अधिकार पट्टा के मांग करीन । मुख्यमंत्री ए म आवश्यक कार्यवाही करे के निर्देश दीन ।
