जय जोहार। (chhattisgarh ) मुख्यमंत्री भूपेश बघेल ह प्रदेस के सबो किसान भाई ले अपन खरीफ अउ उद्यानिकी फसल के बीमा कराय ले अपील करे हे । मुख्यमंत्री ह किसान भाई मन के नाव जारी अपन अपील म किहीन कि मौसम के अनिश्चितता अउ स्थानीय प्राकृतिक आपदा के स्थिति म घलो किसान मन के आय बने रहे, एखर सेती फसल ल बीमित कराना जरूरी हे । शासन डहार ले किसान भाई मन ल फसल बीमा के सुविधा प्रीमियम रासि म उपलब्ध कराय जात हे ।
(chhattisgarh ) खरीफ फसल के बीमा बर किसान मन ल प्रीमियम रासि के 2 फीसद अउ उद्यानिकी फसल के बीमा बर प्रीमियम रासि के 5 फीसद अंसदान के रूप म दे बर होत हे। किसान मन ह थोड़कीन रूचि थोड़कीन रासि जमा कर अपन फसल के बीमा ल कराके बड़का जोखिम ले बच सकत हे । प्राकृतिक आपदा अउ मौसम के अनिश्चितता के सेती होवइया फसल हानि,उत्पादन म कमी के भरपाई ह बीमा दावा रासि ले हो जात हे । प्रधानमंत्री फसल बीमा योजना के अंतर्गत किसान धान सिंचित अउ असिंचित ,अरहर, मूंग, उड़द, मक्का अउ उद्यानिकी फसल के बीमा 15 जुलाई तक करा सकही
मुख्यमंत्री भूपेश बघेल ह किहीन हे कि छत्तीसगढ़ सरकार के किसान हितैषी नीति अउ योजना ल देस भर म सराहा जावत हे । छत्तीसगढ़ के पहचान कृषि मॉडल राज्य के रूप म होय ल लगीन हे । (chhattisgarh ) किसान मन ल मदद पहुंचाय, ओमन ल ओखर हक दिलाय के मामला म छत्तीसगढ़ ह देस के अग्रणी राज्य हे । छत्तीसगढ़ ह देस के पहला राज्य हे , जेहा अपन किसान मन ल सबले पहले रबी सीजन 2021-22 के फसल बीमा दावा रासि के भुगतान करे हे।।
