जय जोहार…. (chhattisgarh) मुख्यमंत्री भूपेश बघेल ह 25 जनवरी के राष्ट्रीय पर्यटन दिवस म प्रदेस वासी मन ल बधाई अउ सुभकामना दीन हे। वो हा अपन बधाई संदेस म किहीन हे कि पर्यटन के देस-प्रदेस के अर्थव्यवस्था म महत्वपूर्ण स्थान रखत हे।
एखर ले न सिरिफ मनखे मन ल स्थानीय सांस्कृतिक, भौगोलिक, प्राकृतिक, ऐतिहासिक स्थल ल जाने के मउका मिलत हे, बल्की ये हजार परिवार मन के जीवनयापन बर आजीविका के नवा रास्ता घलो खोलत हे। (chhattisgarh) एला देखते हुये राज्य सरकार ह अपन प्राचीन धरोहर ल विकसित कर प्रदेस म पर्यटन ल बढ़ावा दे के कार्ययोजना म काम करत हे।
(chhattisgarh) सीएम श्री बघेल ह किहीन कि पुरातात्विक धरोहर अउ प्राकृतिक विविधता ले परिपूर्ण छत्तीसगढ़ के पर्यटन देस म अपन पहचान ल स्थापित करत जात हे। इहां प्राकृतिक सौंदर्य ले परिपूर्ण कई ठीन रमणीय स्थल के संगेसंग गौरवसाली अतीत अउ समृद्ध विरासत ल संजोए पुरातात्विक अउ ऐतिहासिक महत्व के स्थल हे ।सिरपुर म शैव, वैष्णव, बौद्ध अउ जैन मत के सहअस्तित्व के पुरातात्विक प्रमाण हे।
No Comment! Be the first one.