CM Bhupesh Baghel ह 3 हजार 274 निवेशक ल लहुटाइन 2 करोड़ 56 लाख रूपिया के रकम

जय जोहार । सीएम भूपेश बघेल (CM Bhupesh Baghel) ह आज अपन निवास कार्यालय म आयोजित वर्चुअली कार्यक्रम म चिटफंड कंपनी में निवेश करइया दुर्ग जिला के 3 हजार 274 निवेशक ल 2 करोड़ 56 लाख रुपिया लहुटाइन। ए अवसर म मुख्यमंत्री ह किहीन कि प्रदेश म चिटफंड कंपनी म निवेश करइया निवेशक ल अब तक लगभग 40 करोड़ रुपए के रकम लहुटाय जा चुके हे ।

हमर मन के सरकार छत्तीसगढ़ म ठगी करइया चिटफंड कंपनी के विरुद्ध कठोर कार्रवाई करत हे । ठगी करइया चिटफंड कंपनी के सम्पत्ति ल कुर्क कर निवेशक ल रकम वापस करे जात हे । वोहा किहीन कि चिटफंड कंपनी ह छत्तीसगढ़ म भोले-भाले मनखे मन ल लालच देके जिनगी भर के कमाई ल लूट लीन । हमर सरकार ह पूरा परयास करत हे कि निवेश करइया ल ओखर पैसा वापस मिल जाए ।

देश म छत्तीसगढ़ ही एकमात्र राज्य हे जेन निवेशक ल ओखर पैसा ल वापस देवत हे । कार्यक्रम म दुर्ग एसपी अभिषेक पलल्व ह बताइन कि जिला म अब तक चिटफंड कंपनी के 126 डायरेक्टर अउ 8 पदाधिकारी ल गिरफ्तार करे गेहे ।