जय जोहार। मुख्यमंत्री भूपेश बघेल ह आज (Raipur) रईपुर सहर अउ जिला के नागरिक मन के सुविधा बर कई ठीन विकास काम के सौगात देवइया हे। सहर के कमल विहार रईपुर के तीर एनएच-30 म फ्लाई ओवर अउ अग्रसेन चौक ले रामनगर मार्ग म तेलघानी नाका के तीर रेलवे अंडरब्रिज के निर्माण काम के लोकार्पण मुख्यमंत्री करही ।
संगेसंग (Raipur) आरंग ले खपरी पहुंच मार्ग म अकोली खुर्द के तीर नाला म पुलिया निर्माण काम, टेकारी-पलौद मार्ग म पलौद नाला म उच्चस्तरीय पुल अउ पहुंच मार्ग, बिरोदा ले सिंगारभाठा मार्ग म कोलर नाला अउ टंकी नाला म उच्चस्तरीय पुल -पहुंच मार्ग अउ लखना-चम्पारण मार्ग म शक्ति नाला म उच्चस्तरीय पुल अउ पहुंच मार्ग के निर्माण काम बर सिलान्यास करे जाही।
(Raipur) मुख्यमंत्री भूपेश बघेल के मुख्य आतिथ्य म होवइया ए कार्यक्रम के अध्यक्षता ल गृह मंत्री ताम्रध्वज साहू करही । विसिष्ट अतिथि के रूप म संसदीय कार्य मंत्री रविन्द्र चौबे, लोकसभा सांसद सुनील सोनी, राज्यसभा सांसद छाया वर्मा, संसदीय सचिव लोक निर्माण विभाग चिंतामणि महाराज, संसदीय सचिव विकास उपाध्याय, छत्तीसगढ़ गृह निर्माण मंडल के अध्यक्ष कुलदीप जुनेजा, विधायक सत्यनारायण शर्मा, विधायक धनेन्द्र साहू, विधायक बृजमोहन अग्रवाल अउ रईपुर नगर पालिक निगम के महापौर एजाज ढेबर मौजूद रही ।
