chhattisgarh : मुख्यमंत्री ह धरमजयगढ़ म 569 करोड़ रुपिया के 24 विकास काम के करीन लोकार्पण अउ सिलान्यास

जय जोहार । (chhattisgarh) मुख्यमंत्री भूपेश बघेल ह भेंट-मुलाकात कार्यक्रम के दूसरइया चरण म रायगढ़ जिला के धरमजयगढ़ विधानसभा म 569 करोड़ 78 लाख रुपिया के लागत के 24 ठीन विकास काम के सौगात दीन । जेमा 64 करोड़ 36 लाख रुपिया के लागत ले 15 ठीन काम के लोकार्पण अउ 505 करोड़ 42 लाख रुपिया के लागत ले बनइया 9 ठीन काम के सिलान्यास सामिल हे ।

(chhattisgarh) मुख्यमंत्री भूपेश बघेल ह कार्यक्रम के दउरान जेन काम के लोकार्पण करीन ओमा लोक निर्माण विभाग डहार ले 24 करोड़ 74 लाख रुपिया के लागत ले घरघोड़ा-बायपास मार्ग के उन्नयन काम, सिक्षा विभाग डहार ले 74 लाख रुपिया के लागत ले घरघोड़ा के ग्राम-भालूमार म नवा हाईस्कूल भवन निर्माण अउ 75 लाख रुपिया के लागत ले धरमजयगढ़ के अंतर्गत ग्राम-ससकोबा म सासकीय हाईस्कूल भवन के निर्माण, आदिवासी विकास विभाग डहार ले 14 करोड़ 57 रुपिया के लागत ले धरमजयगढ़ म 500 सीटर आदिवासी छात्रावास भवन के निर्माण समेत दुसरइया काम सामिल हे।

सिलान्यास काम के तहत न्याय विभाग डहार ले 76 लाख रुपिया के लागत ले सिविल कोर्ट घरघोड़ा म न्यायिक अधिकारी बर 1 नग डी टाईप सासकीय आवास गृह निर्माण, आदिवासी विकास विभाग डहार ले 1 करोड़ 53 लाख रुपिया के लागत ले घरघोड़ा के ग्राम बिच्छीनारा म 50 सीटर पोस्ट मैट्रिक आदिवासी कन्या छात्रावास, लोक निर्माण विभाग सेतु डहार ले 5 करोड़ 50 लाख डहार ले रायगढ़ के पानीखेत ले ऐडुकला मार्ग म पुल निर्माण अउ 7 करोड़ 98 लाख रुपिया के लागत ले ग्राम समनिया अउ पत्थलगांव खुर्द के मध्य सांगुल नदी में पुल निर्माण समेत दुसरइया काम सामिल हे ।