जय जोहार। (chhattisgarh) मुख्यमंत्री भूपेश बघेल ह रविवार के ग्राम पोंड़ी के प्राथमिक स्वास्थ्य केंद्र के निरीक्षण करीन। ए दउरान मुख्यमंत्री ह प्रसूता वार्ड म शिशुवती माता फूलबसिया अउ संतोषी के हाल चाल जानीन अउ ओमन ल फल के टोकरी, लईका मन के जन्म प्रमाण पत्र अउ जननी सुरक्षा योजना के तहत 1400 रुपिया के चेक प्रदान करीन।
(chhattisgarh) मुख्यमंत्री ह प्राथमिक स्वास्थ्य केंद्र म स्टाफ नर्स उनीता सिंह के 7 महीना के लईका गरिमा ल दुलारत गोद म उठा लीन । मम्मी के ड्यूटी म संग आई नन्ही गरिमा ल प्यार करत हुये मुख्यमंत्री ह किहीन – ये घलो डॉक्टर बनही।
(chhattisgarh) मुख्यमंत्री ह प्राथमिक स्वास्थ्य केंद्र म ओपीडी, पंजीयन काउंटर, परिचायिका कक्ष ,प्रसूता कक्ष के निरीक्षण कारण । वो हा स्वास्थ्य केंद्र म मलेरिया ज्वर के इलाज बर भर्ती ग्राम सकरिया निवासी श्रीमती सुमति देवी के हाल चाल ल पूछीन। प्राथमिक स्वास्थ्य केंद्र के स्टाफ ह मुख्यमंत्री ल बताइन कि ए स्वास्थ्य केंद्र के स्थापना ल बछर 1967 म करे गे रिहीन । हरेक महीना 50 ले 60 डिलीवरी स्वास्थ्य केंद्र म होत हे । स्टाफ ह मुख्यमंत्री ल प्रतीक चिन्ह भेंट करीन ।
No Comment! Be the first one.