जय जोहार। (chhattisgarh) मुख्यमंत्री भूपेश बघेल ह भेंट-मुलाकात दउरा के तहत गौरेला-पेण्ड्रा-मरवाही जिला म आज दू ठीन नवाचार कारीकरम मोर आखर अउ स्पोर्ट्स फॉर डेव्हलपमेंट के सुरुवात करीन। मोेर आखर कारीकरम गौरेला अउ पेण्ड्रा विकासखण्ड के 299 प्राथमिक स्कूल म क्रियान्वित करे जाही, जेन प्राथमिक स्कूल के लईका मन के प्रारंभिक भाखा सिक्षा म सुधार लाय, लईका मन के पढ़े -लिखे के क्षमता ल जादा प्रभावी बनाय के पहल हे ।
(chhattisgarh) दुसरइया कारीकरम स्पोर्ट्स फॉर डेव्हलपमेंट के तहत खेल के माध्यम ले जिला के 543 प्राथमिक स्कूल के लईका मन ल प्रायोगिक अउ व्यवहारिक पद्धति ले तैयार करे जाही, ताकि ओमन म तेजी ले सीखे के कौसल के संगेसंग स्वास्थ्य, सारीरिक अउ मानसिक विकास अउ ओखर जीवन सैली म सुधार लाय जा सके।
कोरोना काल म स्कूल के बंद होय के सेती लईका ,मन म सीखे के क्षमता म कमी आइन हे । (chhattisgarh) एला देखत हुये मोर आखर कारीकरम ल प्रारंभ करे गेहे, जेन लईका मन म में पढ़े के क्षमता अउ पढ़े के आदत म वृद्धि करे म सहायक होही । अइसने स्पोर्ट्स ऑफ डेव्हलपमेंट गौरेला-पेण्ड्रा-मरवाही जिला के सबो स्कूल म सुरु करे गेहे। ए कारीकरम के अंतर्गत कक्षा उपयुक्त, उम्र उपयुक्त अउ बालक-बालिका मन ल खेल म समान अवसर प्रदान करे जाना सामिल हे । ये दूनों कारीकरम यूनिसेफ के सहयोग ले संचालित करे जाही।
