जय जोहार। (chhattisgarh ) भेंट मुलाकात कारीकरम के दउरान मुख्यमंत्री भूपेश बघेल ह आज बालोद जिला के गुण्डरदेही विधानसभा क्षेत्र के ग्राम बेलौदी म कई ठीन घोसना करीन।
ए अवसर म सीएम ह ग्राम बेलौदी ले सतमरा अउ सतमरा ले अरमरीकला तक अउ ग्राम सतमरा ले डांडेसरा रद्दा के मरम्मत, ग्राम बेलौदी माईनर सिंचाई जलासय के गहरीकरण अउ सफ़ाई, गुण्डरदेही म पुलिस के सब डिविजनल ऑफिसर एसडीओपी के पद बनाके पोस्टिंग करे जाही अउ ग्राम हल्दी म नवा पुलिस चौकी प्रारंभ करे जाये के घोसना करीन ।
अइसने सीएम ह ग्राम भाठागांव म संचालित नेहरू उच्चतर माध्यमिक विद्यालय अउ ग्राम पैरी म संचालित श्रीराम विद्या मंदिर उच्चतर माध्यमिक विद्यालय ल सरकारी स्कूल, सामुदायिक स्वास्थ्य केंद्र गुंडरदेही अउ अर्जुंदा बर नवीन भवन के निर्माण, नगर पंचायत अर्जुंदा म प्रतीक्षा बस स्टैंड के निर्माण के घोसना करे हे ।
उहें गुंडरदेही विकासखंड के आदिवासी बाहुल्य गांव म देवगुड़ी निर्माण बर 50 लाख रुपिया प्रदान करे जाही, जिला सहकारी केंद्रीय ग्रामीण बैंक के एटीएम गांव भाठागांव, हल्दी, कुरदी अउ मोदीपाट में खोले जाही । मुख्यमंत्री श्री बघेल ह ग्रामीण मन के मांग म क्षेत्र म जिला सहकारी केंद्रीय बैंक के साखा प्रारंभ करे अउ ग्राम भाठागांव ले रनचिरई, रनचिरई ले जामगांव तक सड़क मरम्मत कराय के घलो घोसना करीन।
Other Articles
Balod : मुख्यमंत्री ह करीन सूरसुली म नर्मदा मईया के पूजा-अर्चना
No Comment! Be the first one.