chhattisgarh : मुख्यमंत्री भूपेश बघेल ह कटेकल्याण के दंतेश्वरी मंदिर म करीन पूजा-अर्चना

जय जोहार । (chhattisgarh ) मुख्यमंत्री भूपेश बघेल ह आज दंतेवाड़ा जिला के कटेकल्याण म दंतेश्वरी माता मंदिर म पूजा अर्चना करीन। ए दउरान सीएम ह प्रदेस अउ क्षेत्र वासी मन के खुसहाली के कामना करीन । वो हा मंदिर परिसर म आयोजित कारीकरम म जिला के 67 देवगुड़ी के कायाकल्प के लोकार्पण करीन ।

आदिवासी संस्कृति के संरक्षण अउ ओखर आस्था के केन्द्र ल सहेजे के उद्देश्य ले (chhattisgarh ) राज्य सासन डहार ले 6 करोड़ 70 लाख रुपिया के लागत ले ए देवगुड़ी के सौन्दर्यीकरण अउ परिसर के विकास के काम कराय गेहे। ए देवगुड़ी म कटेकल्याण विकासखण्ड के 16, दंतेवाड़ा विकासखण्ड के 27, गीदम विकासखण्ड के 19 अउ कुआकोंडा विकासखण्ड के 5 देवगुड़ी सामिल हे ।

ए अवसर म (chhattisgarh ) उद्योग मंत्री अउ दंतेवाड़ा जिला के प्रभारी मंत्री कवासी लखमा, सांसद दीपक बैज, विधायक देवती कर्मा घलो उपस्थित रिहीन । ए दउरान मंदिर के गायता, पुजारी, पेरमा, गुजिया अउ मांझी म राजीव गांधी ग्रामीण भूमिहीन कृषि मजदूर न्याय योजना के तहत ओमन ल सम्मिलित कर ओमन ल सालाना 7 हजार रुपिया के सहायता रासि दे बर मुख्यमंत्री के अभिनंदन करीन ।