जय जोहार । (Raipur ) मुख्यमंत्री भूपेश बघेल ह छत्तीसगढ़ के प्रसिद्ध कला साधक अउ संगीत विशेषज्ञ महाराजा चक्रधर सिंह ल ओखर जयंती 19 अगस्त म नमन करे हे । मुख्यमंत्री ह किहीन कि रायगढ़ के महाराजा चक्रधर सिंह के संगीत अउ शास्त्रीय नृत्य कला के गौरवशाली संस्कृति के संरक्षण अउ संवर्धन म उल्लेखनीय योगदान हे । अनुभूति अउ संगीत के गहराई म डूबके वो हा कत्थक के विशिष्ट स्वरुप ल विकसित करीन , जेला रायगढ़ घराने के नाव ले जाने जात हे ।
(Raipur ) सीएम श्री बघेल ह किहीन कि संगीत अउ नृत्य कला के संवर्धन अउ संरक्षण म महाराज चक्रधर सिंह के योगदान ल चिरस्थायी बनाय बर हरेक बछर रायगढ़ म अखिल भारतीय चक्रधर समारोह के आयोजन करे जात हे, जेमा देश के सुप्रसिद्ध कलाकार ह प्रस्तुति देत हे ।
एखर संग छत्तीसगढ़ सरकार डहार ले संगीत अउ कला के क्षेत्र म उल्लेखनीय योगदान बर राजा चक्रधर सिंह सम्मान दे जात हे । (Raipur ) सीएम श्री बघेल ह किहीन कि महाराज चक्रधर सिंह ल ओखर संगीत अउ कला के क्षेत्र म असाधारण योगदान बर हमेशा याद करे जाही ।
No Comment! Be the first one.