जय जोहार। मुख्यमंत्री भूपेश बघेल ह आज मंझनिया कांकेर जिले के विकासखंड मुख्यालय चारामा म भगवान बिरसा मुंडा के लगभग 15 फीट ऊंचा प्रतिमा के अनावरण करीन । दरगहन चौक म आदिवासी समाज डहार ले भगवान बिरसा मुंडा के मूर्ति के स्थापना करे गेहे । ए दउरान मुख्यमंत्री ह विधिवत पूजा अर्चना करत हुये मूर्ति के अनावरण करीन । संगेसंग समाज के गौरव बिरसा मुंडा ल स्मरण कर ओखर मूर्ति म पुष्पहार अर्पित करीन ।
ए अवसर पर विधानसभा के उपाध्यक्ष मनोज सिंह मंडावी, सर्व आदिवासी समाज के जिलाध्यक्ष जीवन ठाकुर, गोंडवाना समाज के जिलाध्यक्ष मानक दरपट्टी, चारामा अध्यक्ष रैनसिंह कांगे, सर्व आदिवासी समाज चारामा अध्यक्ष गौतम कुंजाम, समाज प्रमुख ठाकुर राम कश्यप उपस्थित रिहीन ।
मुख्यमंत्री ह दानदाता के करीन सम्मान – ए दउरान मुख्यमंत्री भूपेश बघेल ह दरगहन चौक म बिरसा मुंडा के मूर्ति के स्थापना बर जमीन दान म देवाइया जोशी परिवार के शाल अउ श्रीफल भेंट कर सम्मान करीन । परिवार डहार ले वयोवृद्ध चंद्रकांत, हरिप्रिया जोशी ह मुख्यमंत्री के हाथ सम्मानित होइन ।
No Comment! Be the first one.