जय जोहार। (chhattisgarh) मुख्यमंत्री भूपेश बघेल ह आज विधानसभा क्षेत्र सुकमा अउ बीजापुर म आयोजित भेंट-मुलाकात कारीकरम म सामिल होही। निर्धारित दउरा कारीकरम के अनुसार मुख्यमंत्री ह 19 मई के बिहनिया 10 बजे अधिकारी मन के बइठक लेके विभागीय योजना के समीक्षा करही।
सीएम ह बिहनिया 11 बजे प्रेसवार्ता ल सम्बोधित करही । एखर बाद बिहनिया 11.05 बजे जिला सुकमा ले हेलीकॉप्टर डहार ले बिहनिया 11.55 बजे विधानसभा क्षेत्र बीजापुर के ग्राम कुटरू पहुंचही अउ मंझनिया 12 बजे से 1 बजे तक आम मनखे ले भेंट-मुलाकात करही ।
एखर बाद (chhattisgarh) मुख्यमंत्री ह मंझनिया 1.05 बजे ग्राम कुटरू ले हेलीकॉप्टर डहार ले विधानसभा क्षेत्र बीजापुर के ग्राम आवापल्ली पहुंचही। इहां मंझनिया 1.40 से 2.40 बजे तक आम मनखे ले भेंट-मुलाकात कर सासकीय योजना के जायजा लेही ।
मुख्यमंत्री ह एखर बाद 3.15 बजे ग्राम आवापल्ली ले हेलीकॉप्टर डहार ले प्रस्थान कर 3.40 बजे बीजापुर पहुँचही अउ सँझा 5 बजे सी-मार्ट के उद्घाटन करही । (chhattisgarh) सीएम ह सँझा 6 बजे आदिवासी सम्मेलन म सामिल होही अउ 6.15 बजे आने आने प्रतिनिधिमंडल ले भेंट-मुलाकात करही ।
No Comment! Be the first one.