जय जोहार । (chhattisgarh ) मुख्यमंत्री भूपेश बघेल ह भेंट-मुलाकात कारीकरम के दुसरइया चरण के अंतर्गत 20 मई के नारायणपुर विधानसभा क्षेत्र के छोटेडोंगर, मर्दापाल अउ भानपुरी म मनखे मन ले रूबरू होय के संगेसंग सासकीय योजना अउ कारीकरम के क्रियान्वयन के स्थिति के घलो जायजा लेही। मुख्यमंत्री ह भेंट-मुलाकात कारीकरम ले पहले बीजापुर जिला मुख्यालय म अधिकारी के बइठक लेके विकास काम के समीक्षा अउ मीडिया के प्रतिनिधि मन ले चर्चा करही।
जारी दउरा कारीकरम के अनुसार (chhattisgarh ) मुख्यमंत्री भूपेश बघेल ह 20 मई के बिहनिया 10 बजे बीजापुर जिला केअधिकारी मन के बइठक लेके विकास काम के समीक्षा करे के बाद मीडिया प्रतिनिधि मन ले बातचीत करही । मुख्यमंत्री ह 11.05 बजे बीजापुर ले हेलीकॉप्टर ले नारायणपुर जिला के छोटेडोंगर बर प्रस्थान करही ।
मुख्यमंत्री ह इहां आम मनखे ले भेंट-मुलाकात, सासकीय योजना अउ कारीकरम के फीडबैक लेही। एखर बाद कोण्डागांव विकासखण्ड के ग्राम मर्दापाल म मंझनिया 2 बजे ले 3 बजे तक आम मनखे ले भेंट-मुलाकात करही । (chhattisgarh ) मुख्यमंत्री ह एखर बाद बस्तर विकासखण्ड के ग्राम भानपुरी म अपरान्ह 4 बजे ले 4.45 बजे तक मनखे मन ले भेंट-मुलाकात अउ सासकीय योजना के फीडबैक ले के बाद हेलीकाप्टर ले संझा 5.50 बजे रईपुर लहुट आही ।
No Comment! Be the first one.