जय जोहार। मुख्यमंत्री भूपेश बघेल (CM Bhupesh Baghel) ह भेंट-मुलाकात अभियान के तहत आज जशपुर विधानसभा क्षेत्र के बगीचा अउ आस्ता म जनता ले भेंट-मुलाकात करही । ए दउरान मुख्यमंत्री ह सासकीय योजना-कार्यक्रम के क्रियान्वयन की स्थिति के जायजा लेही अउ मनखे मन ले फीडबैक लेही । मुख्यमंत्री ह जशपुर म आने आने समाज अउ संगठन के पदाधिकारी मन ले भेंट-मुलाकात अउ रात्रि विश्राम घलो करही।
जारी दउरा कार्यक्रम के अनुसार मुख्यमंत्री भूपेश बघेल (CM Bhupesh Baghel) ह 26 जून के बिहनिया 10 बजे कुनकुरी म अधिकारी मन के बइठक लेके सासकीय योजना अउ कार्यक्रम के समीक्षा करही। एखर बाद मीडिया प्रतिनिधि ले चर्चा करही । एखर बाद मुख्यमंत्री ह कुनकुरी म स्वामी आत्मानंद इंग्लिश मीडियम स्कूल के लोकार्पण समेत कई ठीन विकास अउ निर्माण काम के भूमिपूजन-लोकार्पण करही। मुख्यमंत्री कुनकुरी के सलियाटोली हेलीपेड ले हेलीकाप्टर ले बगीचा बर प्रस्थान करही ।
मुख्यमंत्री भूपेश बघेल (CM Bhupesh Baghel) ह बगीचा म मंझनिया 12.45 बजे ले 2 बजे तक जनता ले भेंट-मुलाकात करे के बाद जशपुर विधानसभा क्षेत्र के आस्ता आही, इहां 3.05 बजे से 4.20 बजे तक जनता ले भेंट-मुलाकात करे के बाद जशपुर आही, इहां एस्ट्रोटर्फ हॉकी मैदान म आयोजित पुरस्कार वितरण कार्यक्रम म सामिल होही । मुख्यमंत्री ह संझा 6.30 बजे ले रात्रि 8.30 बजे तक जशपुर म आने आने समाज अउ संगठन के प्रतिनिधि ले भेंट-मुलाकात करही। सीएम ह रात्रि विश्राम जशपुर म करही ।
