जय जोहार । सीएम भूपेश बघेल (CM Bhupesh Baghel) ह सोमवार के छत्तीसगढ़ विधानसभा म 2023-24 के बजट प्रस्तुत करीन । मुख्यमंत्री बघेल डहार ले बजट म करे गे प्रमुख घोसना –
• राजीव गांधी ग्रामीण भूमिहीन कृषि मजदूर न्याय योजना के ए बछर ग्रामीण क्षेत्र के संगेसंग नगर पंचायत क्षेत्र बार घलो विस्तार करे जाही ।
• सिक्षित बेरोजगार ल बेरोजगारी भत्ता दे के नवा योजना ल सुरु करे जाही । रोजगार अउ पंजीयन केन्द्र म पंजीकृत कक्षा 12वीं पास 18 ले 35 बछर के युवा, जेखर परिवार के सालाना आय 02 लाख 50 हजार ले कमती होही , ओमन ल जादा तम 02 बछर तक 2500 रुपिया प्रति माह के दर ले बेरोजगारी भत्ता प्रदान करे जाही । एखर बर 2 सौ 50 करोड़ के नवा मद म प्रावधान।
• निराश्रितो बुजुर्ग, दिव्यांग, विधवा अउ परित्यक्ता महिला ल सामाजिक सुरक्षा पेंशन योजना के अंतर्गत दे जवइया मासिक पेंशन के रकम 350 रुपिया ले बढ़ाके 500 रुपिया प्रति माह करे जाही ।
• महिला अउ लईका मन के पोसण अउ टीकाकरण बर प्रदेस भर म संचालित 46 हजार 660 आगनबाड़ी केन्द्र म कार्यरत आंगनबाड़ी कार्यकर्ता ल दे जवइया मासिक मानदेय के रकम 6 हजार 500 रुपिया प्रति माह ले बढ़ाके 10 हजार रुपिया प्रति माह करे जाही । आंगनबाड़ी सहायिका के मानदेय 3 हजार 250 रुपिया ले बढ़ाके 5 हजार रुपिया प्रति माह करे जाही ।
• मिनी आंगनवाडी कार्यकर्ता के मानदेय 4 हजार 500 रुपिया ले बढ़ाके 7 हजार 500 रुपिया प्रति माह करे जाही ।
• गर्भवती महिला ल संस्थागत प्रसव बर प्रोत्साहन ले लेके स्वास्थ्य विभाग के हरेक छोटे -बड़े योजना के क्रियान्वयन म सहयोग प्रदान करइया मितानिन बहन ल पूर्व ले दे जवइया प्रोत्साहन रकम के अतिरिक्त राज्य मद ले 22 सौ रुपिया प्रति माह के दर ले मानदेय दे जाही ।
• ग्राम कोटवार ल सेवा भूमि के आकार के अनुसार अलग-अलग दर म मानदेय दे जात हे । पूर्व प्रचलित मानदेय के रकम 22 सौ 50 रुपिया ल बढ़ाके 3 हजार रुपिया, 33 सौ 75 रुपिया ल बढ़ाके 04 हजार 05 सौ रुपिया, 04 हजार 50 रुपिया ल बढ़ाके 55 सौ रुपिया अउ 4 हजार 05 सौ रुपिया ल बढ़ाके 06 हजार रुपिया प्रति माह करे जाही। ग्राम पटेल ल दे जावत 2 हजार रुपिया मासिक मानदेय के रकम ल बढ़ाके 03 हजार रुपिया करे जाही ।
• मध्यान्ह भोजन कार्यक्रम के अंतर्गत स्कूल म मंझनिया के भोजन बनइया रसोईया ल दे जावत मानदेय 1 हजार 05 सौ ल बढ़ाके 1 हजार 08 सौ रुपिया प्रति माह करे जाही । विद्यालय म कार्यरत स्वच्छता कर्मी के मानदेय घलो 25 सौ रुपिया ले बढ़ाके 28 सौ रुपिया प्रति माह करे जाही ।
• राज्य के पर्व-त्यौहार, आपत्ति विपत्ति अउ विभिन्न प्रशासनिक काम के दउरान कानून व्यवस्था ल बनाए रखे म सहयोग प्रदान करइया होमगार्ड के जवान के मानदेय म न्यूनतम 06 हजार 300 रुपिया ले अधिकतम 06 हजार 420 रुपिया प्रति माह के वृद्धि करे जाही ।
• स्वावलंबी गोठान के संचालन समिति के अध्यक्ष ल 750 रुपिया अउ सदस्य ल 500 रुपिया मानदेय दे जाही । ए मानदेय के पात्रता केवल असासकीय सदस्य ल होही ।
• मुख्यमंत्री कन्या विवाह योजना के अंतर्गत दे जवइया सहायता रकम ल 25 हजार ले बढ़ाके 50 हजार करे जाही । एखर बर बजट म 38 करोड़ के प्रावधान।
• प्रदेस के नगरीय क्षेत्र म आधुनिक अउ उच्च गुणवत्ता के मूलभूत सुविधा के विकास बर अधोसंरचना विकास के काम ल प्राथमिकता दे जाही । नगरीय क्षेत्र म विभिन्न सहरी अधोसंरचना निर्माण काम बर 01 हजार करोड़ के प्रावधान।
• महात्मा गांधी ग्रामीण औद्योगिक पार्क के स्थापना के तर्ज म सहरी क्षेत्र म घलो औद्योगिक पार्क के स्थापना करे जाही । औद्योगिक पार्क म लघु अउ कुटीर उद्योग के स्थापना के प्रोत्साहन बर 50 करोड़ के प्रावधान।
• प्रदेस वासी मन के आवागमन बर सहज, सस्ता अउ आधुनिक साधन उपलब्ध कराए बर नवा रायपुर, अटल नगर ले दुर्ग तक लाइट मेट्रो सेवा सुरु करे के प्रस्ताव।
• ए बछर 101 नवा स्वामी आत्मानंद अंग्रेजी माध्यम विद्यालय खोले के प्रस्ताव। योजना बर 08 सौ 70 करोड़ के प्रावधान।
• मनेन्द्रगढ़, गीदम, जांजगीर चांपा अउ कबीरधाम जिला म नवा चिकित्सा महाविद्यालय के स्थापना करे जाही । बजट म एखर बर 200 करोड़ के प्रावधान।
• कोरबा पश्चिम म नवा ताप विद्युत गृह के स्थापना करे जाही। बजट म एखर बर 25 करोड़ के प्रावधान।
No Comment! Be the first one.