CM Bhupesh Baghel ह जन्माष्टमी के अवसर म राजधानी के ’कृष्ण-कुंज’ के करीन लोकार्पण

जय जोहार । सीएम भूपेश बघेल (CM Bhupesh Baghel) ह श्री कृष्ण जन्माष्टमी के अवसर म राजधानी रायपुर के तेलीबांधा में कृष्ण-कुंज के लोकार्पण करीन । कृष्ण-कुंज के 1.68 हेक्टेयर क्षेत्र म सांस्कृतिक अउ जीवनोपयोगी 383 वृक्ष के रोपण करे गेहे। ए अवसर म मुख्यमंत्री ह कृष्ण-कुंज म कदंब के पौधा लगाइन । वो हा भगवान श्री कृष्ण के पूजा-अर्चना कर प्रदेस वासी मन ल श्री कृष्ण जन्माष्टमी के बधाई दीन । मुख्यमंत्री ह कृष्ण-कुंज म गाय ल गुड़-चना खिलाइन ।

सीएम भूपेश बघेल (CM Bhupesh Baghel) ह श्री कृष्ण जन्मस्थली कारागार के प्रतिकृति के दीवार म बनाये आठे कन्हैया के भित्ती चित्र के पूजा-अर्चना करीन अउ तिलक लगाके प्रदेस वासी मन के खुसहाली के कामना करीन । मुख्यमंत्री ह श्री कृष्ण भगवान ल झूला घलो झुलाइन । वो हा श्री कृष्ण का रूप धरे लईका मन ल गोद म उठाके के दही मटकी फोड़वाईन ।

ए अवसर म कृषि मंत्री रविन्द्र चौबे, वन मंत्री मोहम्मद अकबर, नगरीय प्रशासन मंत्री डॉ.शिवकुमार डहरिया, महापौर एजाज ढेबर, छत्तीसगढ़ गृह निर्माण मंडल के अध्यक्ष कुलदीप जुनेजा, संसदीय सचिव विकास उपाध्याय, विधायक सत्यनारायण शर्मा, कलेक्टर डॉ.सर्वेश्वर भूरे, नगर निगम आयुक्त मयंक चतुर्वेदी मौजूद रिहीन ।