जय जोहार…. सीएम भूपेश बघेल (CM Bhupesh Baghel) ह आज सुकमा जिला के कुम्हाररास म स्वामी आत्मानंद शासकीय उत्कृष्ट अंग्रेजी माध्यम विद्यालय के लोकार्पण करे हे। ए दौरान वो हा विद्यार्थी, पालक अऊ शिक्षक मन ले चर्च करिन अऊ विद्यालय म अध्ययन-अध्यापन अऊ सुविधा के जानकारी ले हे।
सीएम भूपेश बघेल (CM Bhupesh Baghel) ह स्कूल के क्लास रूम, वाचनालय, स्मार्ट क्लास, प्रयोगशाला, खेलकूद जोन, कला अऊ संस्कृति समेत अलग-अलग कक्षा म जा के विद्यार्थी अऊ शिक्षक मन ले चर्चा करिन। वो हा अइसे उत्कृष्ट विद्यार्थी मन ले वर्तमान समय म जरूरत ल प्रासंगिक अऊ अनुकूल बताईस।
ए दौरान सीएम भूपेश बघेल (CM Bhupesh Baghel) ह स्कूल के दीवार म करे गे रचनात्मक अऊ आकर्षक चित्रकारी के सराहना करिन। ए अवसर म जिला के प्रभारी मंत्री जयसिंह अग्रवाल, उद्योग मंत्री कवासी लखमा, सांसद दीपक बैज, कोंडागांव विधायक मोहन मरकाम, बस्तर क्षेत्र विकास प्राधिकरण के अध्यक्ष लखेश्वर बघेल चित्रकोट विधायक राजमन बेंजाम, अक्षय ऊर्जा विकास प्राधिकरण के अध्यक्ष मिथिलेश स्वर्णकार उपस्थित रिहिन।
No Comment! Be the first one.