Friday, February 26, 2021
Home ताजा समाचार cm भूपेश बघेल ह प्रदेश म 23 नवा तहसील के करिन शुभारंभ,...

cm भूपेश बघेल ह प्रदेश म 23 नवा तहसील के करिन शुभारंभ, पढो पूरा खबर

जय जोहार…. सीएम (cm) भूपेश बगेल ह आज अपन निवास कार्यालय म राज्य के 23 नवा तहसील के शुभारंभ करिन। ए अवसर म सीएम बघेल ह कहिन कि नवा तहसील के बने ले जिला म राजस्व प्रशासन ल बेहतर बनाय म मदद मिलही।

विकास कार्य ल गति मिलही अऊ आम लोगन मन ल प्रशासनिक सुविधा ह बेहतर तरीका ले मिल सकही। एखर संगेसंग किसान अऊ जनहितकारी योजना के हितग्राही मन ल बेहतर सेवा अऊ जतन के लाभ घलो मिलही। ए दौरान सीएम (cm) बघेल ह 23 नवा तहसील अऊ 4 पुराना तहसील बर कार्यालय भवन निर्माण अऊ एक-एक वाहन के मंजूरी के घोसना घलो करिन।

सीएम (cm) बघेल ह 23 नवा अऊ 4 पुराना तहसील म कार्यालय भवन निर्माण बर 19 करोड़ 20 लाख रुपया अऊ सबो ,तहसील कार्यालय बर एक-एक वाहन के व्यवस्था बर 1 करोड़ 75 लाख रुपए के मंजूरी के घोसना करिन। हरेक तहसील कार्यालय भवन के निर्माण ल 71.12 लाख रुपया के लागत ले करे जाही। अइसने वाहन क्रय बर 6 लाख 50 हजार रुपया के मान ले राशि स्वीकृत करे गे हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments