जय जोहार। (Raipur ) मुख्यमंत्री भूपेश बघेल ह आज रईपुर के श्री नारायणा हॉस्पिटल म मुफत मेगा आर्थोपेडिक-स्पाइन सर्जरी अउ तीन दिन के स्पाइन अउ आर्थोपेडिक कांफ्रेंस के सुभारंभ करीन । ए दउरान मुख्यमंत्री ह उपस्थित डॉक्टर ल डॉक्टर्स डे के बधाई अउ सुभकामना दीन। संगेसंग श्री नारायणा हॉस्पिटल के 11 बछर पूरा होय म हॉस्पिटल ले जुड़े सबो मनखे मन ल बधाई अउ सुभकामना दीन।
वो हा चिकित्सा के क्षेत्र म श्री नारायणा हॉस्पिटल के राष्ट्रीय अउ अंतर्राष्ट्रीय उपलब्धि के सराहना करीन । ए मउका म मुख्यमंत्री ह मुम्बई, बैंगलोर समेत दूसर प्रतिष्ठित चिकित्सा संस्थान ले आय विशेषज्ञ चिकित्सक ल स्मृति चिन्ह प्रदान कर सम्मानित करीन । वो हा मुफत सिविर ले लाभ ले बर आय मनखे मन के शीघ्र स्वस्थ लाभ के कामना करीन ।
(Raipur ) मुख्यमंत्री ह दीप प्रज्जवलित कर कांफ्रेस के सुभारंभ करीन । ए अवसर म वो हा किहीन कि नारायणा हॉस्पिटल डहार ले विगत 11 बछर म जरूरतमंद मनखे मन ल विसेषज्ञ चिकित्सक अउ अत्याधुनिक संसाधन के माध्यम ले बेहतर स्वास्थ्य सुविधा उपलब्ध कराय के सराहनीय काम करे गेहे । ए इस सफलता म इहां के चिकित्सक अउ कर्मचारी मन के महत्वपूर्ण योगदान हे ।
वो हा किहीन कि छत्तीसगढ़ सरकार डहार ले घलो राज्य के जरूरतमंद मनखे मन बर डॉ. खूबचंद बघेल स्वास्थ्य सहायता योजना के माध्यम ले 5 लाख रुपिया तक के मुफत इलाज की सुविधा उपलब्ध कराय जात हे। (Raipur ) संगेसंग गंभीर बीमारी के उपचार बर मुख्यमंत्री विशेष स्वास्थ्य सहायता योजना के तहत 20 लाख रूपए तक के उपचार मुफत प्रदान करे जात हे।
No Comment! Be the first one.