जय जोहार… (Chhattisgarh) सीएम भूपेश बघेल आज विधानसभा परिसर अपन कार्यालय म प्रदेश म प्रस्तावित बड़े औद्योगिक इकाई के मानिटरिंग बर मोबाइल एप ल लॉन्च करिन। प्रदेश म हजारो करोड़ रुपया के लागत ले स्थापित करे जवइया औद्योगिक परियोजना के स्थापना बर वाणिज्य अऊ उद्योग विभाग के तरफ ले ये मोबाइल एप विकसित कराय गे हे। ए अवसर म उद्योग मंत्री कवासी लखमा घलो उपस्थित रिहिन।
(Chhattisgarh) मोबाइल एप ले उद्योगपति ह सीधे अपन इकाई स्थापना के अलग-अलग चरण म विभाग अऊ संस्तान ले आवश्यक सम्मति, सहमति, पंजीयन, अनापत्ति बर लंबित आवेदन के जानकारी ल उद्योग विभाग ले साझा कर सकही। उद्योग विभाग के तरफ ले एमओयू करइया हरेक इकाई बर वरिष्ठ अधिकारी मन ल रिलेशनशिप मैनेजर के रूप म नामांकित करे गे हे।
ए रिलेशनशिप अधिकारी मन के तरफ ले इकाई के आवेदन म अलग-अलग विभाग म तुरंत निस्पादन करे म मदद मिलही। (Chhattisgarh) ये मोबाइल एप ह एंड्रायड अऊ एप्पल प्ले स्टोर म घलो उपलब्ध हे।
No Comment! Be the first one.