जय जोहार। (chhattisgarh) छत्तीसगढ़ म बने नेसनल फिलीम अवार्ड प्राप्त फिलीम ‘भूलन द मेज‘ ल मुख्यमंत्री भूपेश बघेल ह देखीन। ए मउका म वो हा फिलीम म अपन प्रतिक्रिया ल देत किहीन कि बड़ अकन दिन बाद सानदार फिलीम देखे ल मिलीन हे। ये छत्तीसगढ़ के ग्राम्य जिनगी म आधारित हे ।
फिलीम म एक दूसर के सहयोग करे के जेन भावना ल दिखाये गेहे, ओ हा छत्तीसगढ़ (chhattisgarh) के मनखे मन के मूल भावना है। फिलीम के निर्देसन बड़ अकन अच्छा हे । फिल्मांकन घलो बड़ अकन अच्छा हे। मेहा सबो कलाकार के अभिनय के प्रसंसा करत हों अउ ए फिलीम ल टैक्स फ्री करे के घोसना करत हों। मुख्यमंत्री ह अपन मंत्रिमंडल के सहयोगी, विधायक, जनप्रतिनिधि अउ मीडिया के संगी के संग ये फिलीम ल देखीन ।
उल्लेखनीय हे कि भूलन द मेज फिलीम छत्तीसगढ़ (chhattisgarh) के ग्रामीण पृष्ठभूमि म आधारित हे अउ संजीव बख्शी के उपन्यास भूलन कांदा म बने हे। एला 67वां नेसनल फिलीमअवार्ड ले सम्मानित करे गेहे अउ छत्तीसगढ़ सरकार ह घलो एला एक करोड़ रूपया के रासी ले पुरस्कृत करे हे ।
No Comment! Be the first one.