जय जोहार । (chhattisgarh ) मुख्यमंत्री भूपेश बघेल ह स्वतंत्रता संग्राम सेनानी अउ साहित्यकार डॉ. खूबचंद बघेल के 19 जुलाई के जयंती म ओमन ल नमन करे हे । मुख्यमंत्री ह डॉ. बघेल के योगदान ल याद करत हुये किहीन कि खूबचंद जी ह अपना पूरा जिनगी छत्तीसगढ़ के हितचिंतन म लगा दीन ।
समाज सुधारक, संवेदनसील साहित्यकार अउ कुसल चिकित्सक के रूप म वोहा समाज ल एक ठीन नवा दिसा दीन । (chhattisgarh) जिनगी के अंतिम बेरा तक डॉ. बघेल ह रचनात्मक अउ किसान-मजदूर हितैषी गतिविधि ले जुड़के छत्तीसगढ़ के सेवा करत रिहीन । डॉ. बघेल ह छत्तीसगढ़ राज्य निर्माण के प्रथम स्वप्नदृष्टा रिहीस ।
मुख्यमंत्री ह किहीन कि अध्ययन के दउरान ही डॉ. बघेल ह राष्ट्रीय विचारधारा ले प्रभावित होके राष्ट्रीय आंदोलन म सक्रीय भागीदारी करे ल लगीन । वोहा गांव-गांव घूमके सैकड़ों युवा मन ल प्रेरित करीन अउ स्वाधीनता संग्राम ले ओमन ल जोड़ीन । सामाजिक कुरीति के खिलाफ ओखर डहार ले लिखे नाटक ह घलो जनमानस म गहरा प्रभाव डालीन ।
(chhattisgarh) डॉ. बघेल के स्मृति अउ सम्मान म छत्तीसगढ़ सरकार डहार ले कृषि के क्षेत्र म महत्वपूर्ण उपलब्धि अउ अनुसंधान काम ल प्रोत्साहित करे बर हरेक बछर राज्य स्तरीय सम्मान दे जात हे । राज्य के सबो नागरिक ल मुफत अउ बेहतर स्वास्थ्य सुविधा उपलब्ध कराय ल एक जनवरी 2020 ले डॉ. खूबचंद बघेल स्वास्थ्य सहायता योजना प्रारम्भ करे गेहे ।
No Comment! Be the first one.