Chhattisgarh: सीएम भूपेश बघेल ह काली करही आंगनबाड़ी कार्यकर्ता मन ल यूनिफार्म के वितरण के शुभारंभ
जय जोहार…. (Chhattisgarh) सीएम भूपेश बघेल ह काली मुख्यमंत्री सुपोसण अभियान के पहिला वर्षगांठ म राज्य के सबो आंगनबाड़ी कार्यकर्ता मन ल यूनिफार्म (साड़ी) वितरण के शुभारंभ करही।
ये कार्यक्रम ह शाम 5.30 बजे ले मुख्यमंत्री निवास म वीडियो कांफ्रेंसिंग ले होही। उहचे वीडियो कांफ्रेंसिंग ले सुपोसण अभियान के लाभान्वित हितग्राही मन ल चर्चा घलो करही।
ए अवसर म (Chhattisgarh) सीएम बघेल ह मुख्यमंत्री सुपोसण अभियान ले संबंधित कॉफी टेबल बुक अऊ महिला अऊ बाल विकास विभाग के पत्रिका के विमोचन करही। संगेसंग ए अभियान म तैयारी डाक्यूमेंट्री अऊ कुपोसण के रोकथाम बर व्यवहार परिवर्तन के सामाजिक संदेस दे बर बनाय गे फिलिम के अवलोकन करही।
ए मऊका म (Chhattisgarh) महिला अऊ बाल विकास मंत्री अनिला भेंड़िया अऊ सचिव प्रसन्ना आर ह मुख्यमंत्री सुपोसण अभियान के अंतर्गत बीते एक साल म हासिल उपलब्धि के प्रस्तुतिकरण करही।
