जय जोहार…. (chhattisgarh) मुख्यमंत्री भूपेश बघेल ह राज्य के किसान मन के हित ल धियान म रखत हुये आज एक ठीन बड़का फइसला लेहे। राज्य म समर्थन मूल्य म धान खरीदी के अपने निवास कार्यालय म वीडियो कॉन्फ्रेंसिंग के माध्यम ले समीक्षा के दउरान मुख्यमंत्री ह धान खरीदी के निर्धारित अवधि म एक सप्ताह के वृद्धि करे जाय के एलान करीन। राज्य म अब 7 फरवरी तक किसान मन ले धान खरीदी करे जाही । खाद्य अउ नागरिक आपूर्ति मंत्री अमरजीत भगत घलो वीडियो कॉन्फ्रेंसिंग के माध्यम ले बइठक म सामिल होइन हे।
ए अवसर म (chhattisgarh) मुख्यमंत्री भूपेश बघेल ह धान उपार्जन के अद्यतन स्थिति के समीक्षा करीन अउ अधिकारी मन ल सीधा सोसायटी से मिलर्स डहार ले धान के उठाव करे जाय के व्यवस्था ल सुनिश्चित करे के निर्देस देहे। वो हा किहीन कि एखर ले उपार्जित धान के परिवहन व्यय बचे के संग ही कस्टम मिलिंग तेजी ले होही ।
बइठक म (chhattisgarh) मुख्य सचिव अमिताभ जैन, अपर मुख्य सचिव सुब्रत साहू, कृषि उत्पादन आयुक्त डॉ.कमलप्रीत सिंह, मुख्यमंत्री के सचिव श्री सिद्धार्थ कोमल सिंह परदेशी, खाद्य सचिव टोपेश्वर वर्मा, सहकारिता सचिव हिमशिखर गुप्ता, नान के एमडी निरंजन दास उपस्थित रिहीन।
No Comment! Be the first one.