जय जोहार…. धमतरी जिला म कोरोना (corona) संक्रमित मरीज मन के संख्या ह सरलघा बाढ़त जावत हे।
आज एक ही दिन म कोरोना के तीन नवा मामला के पहचान होय हे। धमतरी ब्लाक के रुद्री ले एक युवती के रिपोर्ट ह कोरोना पाजिटिव आय हे।
उहचे कुरुद ब्लाक के ग्राम करगा के युवक ह कोरोना (corona) संक्रमित मिले हे। एखर पहिले बिरेझर चौकी म पदस्थ वाहन चालक ह कोरोना पाजिटिव मिले रिहिस।
एखर पुष्टि करत हुये धमतरी जिला के मुख्य चिकित्सा अउ स्वास्थ्य अधिकारी डॉ डीके तुर्रे ह बताइस कि धमतरी जिला के रूद्री निवासी स्टाफ नर्स (24 वर्ष) ह रामकृष्ण हास्पिटल रायपुर म कार्य करत हे।
ए युवती ह टेस्ट करवाय रिहिस अउ हास्पिटल म भर्ती हो गे हे। उहचे दूर युवक ह 21 साल के हे, जेन कुरुद ब्लाक के ग्राम करगा के रहवइया हे।
जेन ह धमतरी म अपन कोरोना टेस्ट करवाय रिहिस, जेखर रिपोर्ट ह पाजिटिव आय हे।
ए युवक ह आइसोलेसन म नई रिहिस।
स्वास्थ्य विभाग के टीम ह गांव बर रवाना हो गे हे, ओला धमतरी के (corona) कोविड अस्पताल म भर्ती करे जाही।
Other Articles
Corona: पूर्व सीएम रमन सिंह के घरवाली वीणा सिंह ल हो गे कोरोना
No Comment! Be the first one.