जगदलपुर। झीरम कांड के पांचवी बरसी म प्रदेश के जम्मो बड़का कांग्रेसी नेता आज झीरम पहुंचिन। उहां पांच बछर पहिली नक्सली हमला म मारे गे कांग्रेसी मन ल श्रद्धांजलि देय के बाद संकल्प यात्रा के सुरूआत करे गिस। येकर पहिली कांग्रेस नेतामन ह पूरव नेता प्रतिपक्ष स्व. महेंद्र कर्मा के गांव फरसपाल पहुंचिन। जिहां उंखरन प्रतिमा म माल्यार्पण करिन। येखर बाद झीरम ले संकल्प यात्रा निकालिस।
ये बेरा म कांग्रेस प्रदेश प्रभारी पीएल पुनिया, अरूण उरांव, पीसीसी चीफ भूपेश बघेल, विधानसभा नेता प्रतिपक्ष टीएस सिंहदेव, विधायक धनेंद्र साहू, सत्यनारायण शर्मा, कवासी लखमा, मोहन मरकाम, पूर्व केंद्रीय मंत्री अरविंद नेताम समेत कांग्रेस के प्रदेश पदाधिकारीगण मवजूद रहिन हे।
बतादन कि पांच बछर पहिली 25 मई 2013 के कांग्रेस के परिवरतन यात्रा म नक्सली मन ह हमला करे रिहन हे, जेमा कांग्रेस नेता मन समेत 32 लोगन के मउत होगे रिहिस हे। ये हमला म प्रदेश कांग्रेस के कतको वरिष्ठ नेता मन मारेगे रिहिन हे। जेमा विद्याचरण शुक्ल, महेंद्र कर्मा, नंदकुमार पटेल, उदय मुदलियार समेत अन्य नेता शामिल हे।
झीरम म श्रद्धांजलि के बाद कांग्रेस ह निकलिस संकल्प यात्रा
May 25, 2018
One Min Read
4
Views
0
Comments
Related Posts
Nothing found!
It looks like nothing was found here!