राजधानी म तीन नवा जगह ह होइस कन्टेनमेंट जोन घोसित

जय जोहार…. राजधानी म इतवार के तीन नवा स्थान ल कन्टेनमेंट जोन घोसित करे गे हे।

लिटिल फ्लावर स्कूल के पास कटोरातालाब, पुराना राजेंद्र नगर अउ ग्राम चिपरीद, अभनपुर म कोरोना के 1-1 नवा मरीज मिले के बाद क्षेत्र ल कन्टेनमेंट जोन घोसित करे गे हे।
ए कन्टेनमेंट जोन म प्रवेश अउ निकास बस केवल एक द्वार होही। जेमा तैनात पुलिस अधिकारी ह फिजिकल डिस्टेंसिंग ल सुनिश्चित करत हुये मेडिकल इमरजेंसी अउ आवश्यक वस्तु के आपूर्ति बर आवागमन करइया सब्बो व्यक्ति के विवरण ल रजिस्टर म दर्ज करही।

कन्टेनमेंट जोन के अंतर्गत सब्बो दुकान, आफिस अउ आन वाणिज्यिक प्रतिष्ठान ह अवइया आदेश तक बन्द रही।
प्रभारी अधिकारी के तरफ ले कन्टेनमेंट जोन म होम डिलीवरी ले आवश्यक वस्तु के आपूर्ति ल उचित दर म सुनिश्चित करे जाही।

आवश्यक वस्तु के होम डिलीवरी बर परिवहन अनुमति ल इंसीडेंट कमांडर के तरफ ले दे जाही। कन्टेनमेंट जोन के अंतर्गत सब्बो वाहन के आवागमन म प्रतिबन्ध रही।