Corona: प्रदेश के ए महिला कांग्रेस विधायक पाय गे हे कोरोना पाजिटिव, ट्वीट कर दे हे जानकारी, पढो पूरा खबर

जय जोहार…. प्रदेश म कोरोना (Corona) ले जुड़े एक बड़का खबर सामने आवत हे। राज्य के एक अऊ महिला विधायक ह कोरोना पाजिटिव पाय गे हे। ए जानकारी ल महिला कांग्रेस विधायक ह स्वयं ट्वीट कर जानकारी दे हे।

मिले जानकारी के मुताबिक राजनांदगांव के खुज्जी विधानसभा ले कांग्रेस विधायक छन्नी साहू ह कोरोना (Corona) संक्रमित मिले हे। कांग्रेस विधायक के डॉक्टर के निगरानी म इलाज चलत हे।

बता दन कि विधायक छन्नी साहू के तबियत कुछु खराब होय के सती मंगलवार के एंटीजन जांच कराय गे रिहिन, जेमा ओखर रिपोर्ट ह निगेटिव आय रिहिन। लेकिन ओखर बाद आरटीपीसीआर टेस्ट कराय रिहिन, जेमा रिपोर्ट ह कोरोना (Corona) पाजिटिव आय हे।