Dhamtari जिला म काली ले कोरोना सघन सामुदायिक सर्वे अभियान होही सुरू, 12 अक्टूबर तक चलही

जय जोहार…. (dhamtari) कोरोना नियंत्रण बर स्वास्थ्य विभाग धमतरी के तरफ ले जिला म काली ले कोरोना सघन सामुदायिक सर्वे अभियान चलाय जाही। ए अभियान ह 12 अक्टूबर तक चलही। ए दौरान हरेक घर के सबो सदस्य मन के कोरोना जांच करे जाही। जेमा धनात्मक मरीज मन के होम आइसोलेशन या कोविड सेन्टर म उपचार करे जाही।

(dhamtari) मुख्य चिकित्सा अऊ स्वास्थ्य अधिकारी ल जानकारी के मुताबिक उच्च जनसंख्या घनत्व वाला क्षेत्र, ग्राम, नगरीय निकाय म कोरोना मरीज मन के संख्या ह कम जनसंख्या घनत्व वाला क्षेत्र के अपेक्षा जादा हे। ए अभियान के सफलता बर ए अभियान के शुरुआत ल जादा जनसंख्या वाला ग्राम अऊ निकाय ले करे जाए।

शहरी क्षेत्र म पहिले मलिन बस्ती के लक्षण वाला मरीज मन ल चिन्हांकित कर नमूना जांच करे जाए। एखर बाद कालोनी अऊ आन क्षेत्र म जांच करे जाए।
जिला अस्पताल समेत सामुदायिक अऊ प्राथमिक स्वास्थ्य केंद्र ल एंटीजन टेस्ट केन्द्र बनाय गे हे।

एमा (dhamtari) जिला अस्पताल धमतरी, सामुदायिक स्वास्थ्य केन्द्र गुजरा, नारी, सिर्री, परखंदा, चटौद, कोर्रा, भखारा, मगरलोड, नगरी अऊ प्राथमिक स्वास्थ्य केन्द्र अकलाडोंगरी, आमदी, भटगांव, कंडेल, खरेंगा, मेघा, करेली बड़ी, हसदा, सिंगपुर, कुकरेल, केरेगांव, दुगली, गट्टासिल्ली, सांकरा, सिहावा, बेलरगांव, बोराई अऊ सिविल अस्पताल कुरूद म एंटीजन टेस्ट केन्द्र बनाय गे हे।