जिस्म म वर्दी, बगल म बंदूक …..करिन योग

रायपुर। अंतरराष्ट्रीय योग दिवस म बस्तर के जंगल म जवान मन के एक अइसे तस्वीर आघू आइस, जे ला देखके सलाम करे के दिल करत हे।
छत्तीसगढ़ के बस्तर सबले ज्यादा नक्सल प्रभावित इलाका हे। बस्तर म घलो अबूझमाड़ धुर नक्सल प्रभावित हे। इहीं के जंगल मन म अंतरराष्ट्रीय योग दिवस म जवान मन ह योगाभ्यास करिन हे। बगल म बंदूक, जिस्म म फैंसी टी-शर्ट अउ लोवर के जगा वर्दी रिहिस हे, पीठ म रोज के भारी सामान अउ हमार जवान योग करत रहिन हे।
जंगल मन म जवान नक्सली मन के खिलाफ ये बेरा म ऑपरेसन प्रहार चलत हवय। अइसे म जे कदम-कदम म मउत के आहट हे, जवान न सिर्फ हमार रक्षा करत हे बल्कि जोश के संग देश के ये उत्सव म घलो शामिल हे।