जय जोहार। (chhattisgarh) यूरोप के सर्बिया, एशिया ले मालदीव अउ इंडोनेशिया के नर्तक दल ह राष्ट्रीय आदिवासी नृत्य महोत्सव म सामिल होय ल आज राजधानी रायपुर पहुंचीन । विभागीय अधिकारी-कर्मचारी मन ह माना विमानतल म ओखर आत्मीय स्वागत करीन। ए दउरान नर्तक दल ह अपन अपन देस के संस्कृति के झलक एयरपोर्ट म नृत्य कर के घलो प्रदर्शित करीन ।
नर्तक दल ह छत्तीसगढ़ (chhattisgarh) सरकार ल धन्यवाद देत हुए किहीन कि नेसनल ट्राइबल डांस फेस्टिवल ले ओमन ल सांस्कृतिक अदान प्रदान म सामिल होय के अच्छा अवसर मिलत हे। छत्तीसगढ़ के संस्कृति के संगेसंग विभिन्न देस के संस्कृति ले नेसनल ट्राइबल डांस फेस्टिवल के जरिए अवगत हो पाही ।
एखर बाद वोहा छत्तीसगढ़िया सबले बढ़िया के नारा के उदघोष करीन । उल्लेखनीय हे कि सरबिया, मालदीव अउ इंडोनेशिया ले आए सबो नर्तक दल म 10-10 सदस्य हे । सर्बिया ले आए नर्तक दल म 6 पुरुष और 4 महिला,मालदीव ले आए दल म 10 पुरुष अउ इंडोनेशिया के दल म 5 पुरुष अउ 5 महिला सदस्य सामिल हे ।
उल्लेखनीय हे कि (chhattisgarh) राजधानी रायपुर के साइंस कॉलेज मैदान म 1 नवंबर से 3 नवंबर तक राष्ट्रीय आदिवासी नृत्य अउ राज्य उत्सव का आयोजन करे जात हे , जेमा देस के विभिन्न राज्य के संगेसंग 9 विदेसी टीम घलो सिरकत करत हे ।
No Comment! Be the first one.