Home ताजा समाचार दवा प्रतिनिधि, बीमा कर्मचारी अऊ सीटू कार्यकर्ता मन ह करिन 1000 जरूरतमंद...

दवा प्रतिनिधि, बीमा कर्मचारी अऊ सीटू कार्यकर्ता मन ह करिन 1000 जरूरतमंद मन ल भोजन पैकेट के वितरण

86
0
दवा प्रतिनिधि, बीमा कर्मचारी अऊ सीटू कार्यकर्ता मन ह करिन जरूरतमंद मन ल 1000 भोजन पैकेट के वितरण

जय जोहार रायपुर…. मेडिकल एंड सेल्स रिप्रेसेंटेटीव यूनियन, रायपुर डिवीजन इश्योरेंस एम्लाईज यूनियन अऊ सीटू कार्यकर्ता मन ह कोरोना संकट के चलत लॉक डाउन के चलत फंसे दिहाड़ी मजदूर अऊ जरूरत मंद गरीब मन ल 1000 भोजन फैकेट ल वितरण करिस।

एक संयुक्त प्रेस विज्ञप्ति म एमपीएमएसआरयू के प्रदीप मिश्र, बीमा कर्मचारी मन के संगठन आरडीआईइयू के सुरेंद्र शर्मा अऊ सीटू नेता धर्मराज महापात्र ह बताइस कि लॉक डाउन के चलत काम बंद होए ले दिहाड़ी मजदूर मन के सामने भुखमरी जैसा हालात बन गे हे। हालांकि सरकार ह शासकीय राशन दुकान म कार्ड धारक मन ल राशन वितरित करत हे, लेकिन बहुत ले अईसे गरीब अऊ मजदूर परिवार मन हे, जेखर पास राशन कार्ड नई हे। बहुत ले अईसे कामकाजी लोग घलो हे, जेन गांव ले आ के इहां मेहनत मजदूरी करत हे, एखर राशन कार्ड ह गांव म हे।  लॉक डाउन के चलत ए मन ल काम घलो नई मिल पात हे। अइसे परिवार मन ल तुरंत मदद उपलब्ध कराए बर ट्रेड यूनियन ह गरीब परिवार के घर म राशन अथवा भोजन पैकेट उपलब्ध कराए बर अभियान चलात हे अऊ ए परिवार मन  ल भोजन पैकेट अथवा राशन वितरित करे जात हे।

वो हा बताइस कि आज चंडीनगर, लक्ष्मीनगर, मोवा, अमलीडीह, डब्ल्यूआरएस कालोनी, मठपारा म 1000 भोजन पैकेट वितरण करे गिस। ए अभियान ल संचालित करे म धर्मराज महापात्र, प्रदीप मिश्रा, एससी भट्‌टाचार्य, सुरेंद्र शर्मा, एसएफआई नेता डॉ. राजेश अवस्थी, मनेाज देवांगन, माकपा नेता प्रदीप गभने, अजय कन्नौजे, शीतल पटेल, सीटू नेता विभाष पैतुन्दी, चंदन प्रधान, वैभव शर्मा, ललित वर्मा, धनंजय झा, अर्जुनदास, विद्याधर साहू, शेखर नाग, रतन गोंडाने ह हिस्सा लिस।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.