बेमेतरा। संविदा करमचारी मन के खेलाफ जिला प्रसासन सख्त हो गेहे। प्रसासन ह बेमेतरा जनपद के 30 अउ साजा जनपद के 29 करमचारी मन ल बरखास्त कर देय गिस हे। येकर बर जिला पंचायत ह बकायदा आदेस जारी करिस हे। आपमन ल बता दन के प्रदेस भर के 80 हजार ले जादा करमचारी पाछु के कई दिन मन ले अपन मांग मन ल लेके धरना प्रदरसन करत हे। इमन के आरोप हे सरकार इंकर मन के मांग मन म धियान नइ देवत हे। येकर पहिलि गुरुवार के संविदा करमचारी ह आमरन अनसन करे के ऐलान करिन हे।
प्रसिक्छु नरस मन के भरोसा म जिला अस्पताल
संविदा करमी के संग चतुरथ वरग के करमचारी के हड़ताल म जाय ले जिला अस्पताल म स्वास्थ्य सुविधा मन के बुरा हाल हे। जिला अस्पताल म कुल 32 संविदा करमी अउ 22 चतुरथ वरग करमचारी अपन सेवा मन देवत हे, लेकिन उमन के हड़ताल म चले जाय ले प्रसुक्छु नरम मन के भरोसा म जिला अस्पताल संचालित करे जात हे।
