जय जोहार….. (Chhattisgarh) शासकीय अधिकारी-कर्मचारी फेडरेशन ह आज प्रदेश के कर्मचारी मन के 11 सूत्री मांग के ध्यानाकर्षण बर राज्य स्थापना दिवस म राजधानी रायपुर म सत्याग्रह करिन। ए सत्याग्रह म फेडरेशन ले सम्बद्ध 27 संगठन के प्रांत अध्यक्ष अऊ प्रांतीय प्रतिनिधि मन ह शामिल होइस।
फेडरेशन के प्रांतीय (Chhattisgarh) प्रवक्ता रोहित तिवारी ह बताईस कि सीएम ह पिछिले साल बिलासपुर म आयोजित लिपिक महाधिवेशन म केहे रिहिस कि लिपिक मन के वेतन विसंगति दूर करे जाही। संगेसंग साल 2020 ह कर्मचारी मन के वर्ष होही, लेकिन वर्ष 2020 म शासन के तरफ ले कर्मचारी मन के अनदेखी अऊ वेतन भत्ता म कटौती करिन, जेखर ले कर्मचारी मन ल आघात पहुंचे हे।
शासकीय अधिकारी फेडरेशन ह कोविड 19 सती पिछिला प्रस्तावितक आंदोलन ल स्थगित करे रिहिन, लेकिन शासन के तरफ ले कर्मचारी जगत के कोनो मांग ल नई माने जावत हे। (Chhattisgarh) फेडरेशन के प्रमुख मांग लिपिक मन के वेतन विसंगति हे, जेखर घोसना सीएम ह करे रिहिन।
ओला पूरा करना, जुलाई 2019 ले लंबित महंगाई भत्ता, जुलाई 2020 ले घलो वेतन वृद्धि, कोरोना वारियर ल जोखिम भत्ता, कोरोना म खत्म हुये कर्मचारी मन ल पचास लाख के अनुग्रह राशि समेत 11 सूत्री मांग ल ले के ये आंदोलन हे।
वो हा बताइस कि आंदोलन के पहिला चरण म आज सबो संगठन के प्रांतीय पदाधिकारी मन ह राजधानी रायपुर म सत्याग्रह कर के ध्यान आकृष्ट करिन। काली 2 नवंबर अऊ तीन नवंबर के प्रदेश के कर्मचारी फेडरेशन के आह्वान म अपन मांग के समर्थन म सामूहिक अवकाश ले के धरना प्रदर्शन करही। संगेसंग तीन नवंबर के मुख्यमंत्री अऊ मुख्य सचिव के नाम ज्ञापन सौंपही।
No Comment! Be the first one.